ಪ್ರತ್ಯೇಕ ಪ್ರಕರಣ: ಇಬ್ಬರ ಆತ್ಮಹತ್ಯೆ

ಅಮಾಸೆಬೈಲು, ಸೆ.27: ವ್ಯವಹಾರದಲ್ಲಿ ನಷ್ಟ ಹಾಗೂ ಮನೆ ನಿರ್ಮಿಸಲು ಮಾಡಿದ ಸಾಲದ ಚಿಂತೆಯಲ್ಲಿ ಮನನೊಂದ ರಾಜು(40) ಎಂಬವರು ಸೆ.26ರಂದು ಮಧ್ಯಾಹ್ನ ಜೀವನದಲ್ಲಿ ಜಿಗುಪ್ಸೆಗೊಂಡು ಮನೆಯ ಬಳಿಯ ಹಾಡಿಯಲ್ಲಿ ಮರಕ್ಕೆ ನೇಣು ಬಿಗಿದು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ.

ಈ ಬಗ್ಗೆ ಅಮಾಸೆಬೈಲು ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಕಾಪು: ಒಂಟಿತನದಿಂದ ಜೀವನದಲ್ಲಿ ಜಿಗುಪ್ಸೆಗೊಂಡ ಮೂಳೂರಿನ ಗುರುದೇವ್ ಬಾರ್ ಬಳಿ ಹೋಟೆಲ್ ನಡೆಸುತ್ತಿದ್ದ ಮೂಳೂರಿನ ತೊಟ್ಟಂ ನಿವಾಸಿ ಧನಂಜಯ ಎನ್.(62) ಎಂಬವರು ಸೆ.26ರಂದು ರಾತ್ರಿ ವೇಳೆ ಮನೆಯ ಅಡುಗೆ ಕೋಣೆಯ ತಾರಸಿಯಲ್ಲಿನ ಕಬ್ಬಿಣದ ಪಕ್ಕಾಸಿಗೆ ನೇಣು ಬಿಗಿದು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ.

ಈ ಬಗ್ಗೆ ಕಾಪು ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.