ಮಂಗಳೂರು: ಆವರಣಗೋಡೆ ಕುಸಿದು ಮನೆಗೆ ಹಾನಿ

ಮಂಗಳೂರು: ನಗರದ ಹೊರವಲಯದ ಬಜಾಲ್‌ನ ಪಳ್ಳಕೆರೆ ಎಂಬಲ್ಲಿ ಸೈಟ್‌ನ ಆವರಣಗೋಡೆ ಕುಸಿದು ಬಿದ್ದು ಮನೆಯೊಂದಕ್ಕೆ ಹಾನಿಯಾಗಿರುವ ಘಟನೆ ರವಿವಾರ ನಡೆದಿದೆ. ಅಪರಾಹ್ನ 3 ಗಂಟೆ ಹೊತ್ತಿಗೆ ಸುಧಾಕರ ಶೆಣೈ ಎಂಬವರಿಗೆ ಸೇರಿದ ಸೈಟ್‌ನ ಆವರಣಗೋಡೆ ಕುಸಿದು ಬಿದ್ದ ಪರಿಣಾಮವಾಗಿ ಪಳ್ಳಕೆರೆಯ ರಾಧಾಕೃಷ್ಣ ಎಂಬವರ ಮನೆಗೆ ಹಾನಿಯಾಗಿದೆ.

ಸೈಟ್‌ನ ಆವರಣಗೋಡೆಯ ಮಣ್ಣು, ಕಲ್ಲು , ಸ್ಲಾಬ್ ಮನೆ ಹಾಗೂ ಬಚ್ಚಲು ಮನೆಯ ಮೇಲೆ ಬಿದ್ದಿದೆ. ಮನೆಯ ಒಂದು ಕೋಣೆಗೆ ಹಾನಿಯಾಗಿದೆ ಎಂದು ತಿಳಿದು ಬಂದಿದೆ.

ಈ ಘಟನೆಯ ಹೊತ್ತಿಗೆ ಮನೆ ಮಂದಿ ಹೊರಗಿದ್ದರು. ಹೀಗಾಗಿ ಎಲ್ಲರೂ ಅಪಾಯದಿಂದ ಪಾರಾಗಿದ್ದಾರೆ.

 ತಾತ್ಕಾಲಿಕ ವ್ಯವಸ್ಥೆ:

ಬಜಾಲ್ ವಾರ್ಡ್‌ನ ಮನಪಾ ಸದಸ್ಯ ಅಶ್ರಫ್ ಅವರು ಘಟನಾ ನಡೆದ ಸ್ಥಳಕ್ಕೆ ಭೇಟಿ ನೀಡಿ ರಾಧಾಕೃಷ್ಣ ಅವರ ಕುಟುಂಬದ ವಾಸ್ತವ್ಯಕ್ಕೆ ತಾತ್ಕಾಲಿಕವಾಗಿ ಮನೆಯ ವ್ಯವಸ್ಥೆಯನ್ನು ಮಾಡಿಕೊಟ್ಟರು.