ಸಿಂಗಾಪುರ, ಜ್ಯೂರಿಚ್ ವಿಶ್ವದ ಅತೀ ದುಬಾರಿ ನಗರ

ಹಾಂಕಾಂಗ್ : ಸಿಂಗಾಪುರ ಮತ್ತು ಜ್ಯೂರಿಚ್ ಈ ವರ್ಷದ ಅತ್ಯಂತ ದುಬಾರಿ ನಗರಗಳ ಪಟ್ಟಿಯಲ್ಲಿ ಜಂಟಿ ಅಗ್ರಸ್ಥಾನದಲ್ಲಿವೆ. ಜಾಗತಿಕ ಜೀವನವೆಚ್ಚದ ಬಿಕ್ಕಟ್ಟು ಇನ್ನೂ ಮುಗಿದಿಲ್ಲ ಎಂದು ‘ಇಕನಾಮಿಸ್ಟ್ ಇಂಟೆಲಿಜೆನ್ಸ್ ಯುನಿಟ್(ಇಐಯು) ವರದಿ ಮಾಡಿದೆ.

ಸಾಮಾನ್ಯವಾಗಿ ಬಳಸುವ 200ಕ್ಕೂ ಸರಕು ಮತ್ತು ಸೇವೆಗಳ ದರ ಸ್ಥಳೀಯ ಕರೆನ್ಸಿಯಲ್ಲಿ 7.4%ದಷ್ಟು ಏರಿಕೆಯಾಗಿದೆ. ವಿಶ್ವದ 10 ಅತ್ಯಂತ ದುಬಾರಿ ನಗರಗಳ ಪಟ್ಟಿಯಲ್ಲಿ ಜಿನೆವಾ, ನ್ಯೂಯಾರ್ಕ್ ಜಂಟಿ 3ನೇ ಸ್ಥಾನ ಮತ್ತು ಹಾಂಕಾಂಗ್ 5ನೇ ಸ್ಥಾನದಲ್ಲಿವೆ. ಲಾಸ್ಏಂಜಲೀಸ್, ಪ್ಯಾರಿಸ್, ಟೆಲ್ಅವೀವ್, ಕಾಪನ್ಹೇಗನ್ ಮತ್ತು ಸ್ಯಾನ್ಫ್ರಾನ್ಸಿಸ್ಕೋ ಆ ಬಳಿಕದ ಸ್ಥಾನದಲ್ಲಿದೆ ಎಂದು ವರದಿ ಹೇಳಿದೆ.