ಕೆನಡಾ ಸಂಸತ್ ಗೆ ಭಾರತೀಯ ಮೂಲದ ಶುವಲಾಯ್ ಮಜೂಮ್ದಾರ್ ಆಯ್ಕೆ

ಟೊರಂಟೊ: ಮಾಜಿ ಪ್ರಧಾನಿ ಸ್ಟೀಫನ್ ಹಾರ್ಪರ್ ಪ್ರತಿನಿಧಿಸುತ್ತಿದ್ದ ಪ್ರತಿಷ್ಟಿತ ಸಂಸದೀಯ ಕ್ಷೇತ್ರಕ್ಕೆ ನಡೆದ ಉಪಚುನಾವಣೆಯಲ್ಲಿ ಭಾರತೀಯ ಮೂಲದ ಶುವಲಾಯ್ ಮಜೂಮ್ದಾರ್ ಗೆಲುವು ಸಾಧಿಸಿದ್ದು ಈ ಗೆಲುವು ಕೆನಡಾದಲ್ಲಿರುವ ಭಾರತೀಯ ಸಮುದಾಯಕ್ಕೆ ನಿರ್ಣಾಯಕವಾಗಿದೆ ಎಂದು ಮಾಧ್ಯಮಗಳು ವರದಿ ಮಾಡಿವೆ.

ಆಲ್ಬೆರ್ಟ ಪ್ರಾಂತದ ಕ್ಯಾಲ್ಗರಿ ಹೆರಿಟೇಜ್ ಕ್ಷೇತ್ರಕ್ಕೆ ನಡೆದ ಉಪಚುನಾವಣೆಯಲ್ಲಿ ಕನ್ಸರ್ವೇಟಿವ್ ಪಕ್ಷದ ಅಭ್ಯರ್ಥಿಯಾಗಿದ್ದ ಮಜೂಮ್ದಾರ್ ಆಡಳಿತಾರೂಢ ಲಿಬರಲ್ ಪಕ್ಷದ ಅಭ್ಯರ್ಥಿ ಮತ್ತು ನ್ಯೂ ಡೆಮಾಕ್ರಟಿಕ್ ಪಕ್ಷದ ಅಭ್ಯರ್ಥಿಗಳನ್ನು ಭಾರೀ ಮತಗಳ ಅಂತರದಿಂದ ಸೋಲಿಸಿದ್ದಾರೆ.

ಹಾಲಿ ಸಂಸದರಾಗಿದ್ದ ಬಾಬ್ ಬೆಂಝೆನ್ ಕಳೆದ ವರ್ಷದ ಡಿಸೆಂಬರ್ನಲ್ಲಿ ನಿವೃತ್ತಿ ಘೋಷಿಸಿದ್ದರಿಂದ ಈ ಸ್ಥಾನ ಕಾಲಿಯಾಗಿತ್ತು.