ಬೈಂದೂರು| ವಿದ್ಯಾರ್ಥಿ ವೇತನ ವಿತರಣೆ; ಸಾಧಕರಿಗೆ ಸನ್ಮಾನ

ಬೈಂದೂರು: ಜಮ್ಯಿತುಲ್ ಫಲಾಹ್ ವತಿಯಿಂದ ವಿದ್ಯಾರ್ಥಿ ವೇತನ ವಿತರಣೆ ಮತ್ತು ಸಾಧಕರಿಗೆ ಸನ್ಮಾನ ಕಾರ್ಯಕ್ರಮ ಇತ್ತೀಚೆಗೆ ಬೈಂದೂರಿನ ಅಂಬೇಡ್ಕರ್ ಭವನದಲ್ಲಿ ಆಯೋಜಿಸಲಾಗಿತ್ತು.

ಕಾರ್ಯಕ್ರಮವನ್ನು ದ.ಕ ಮತ್ತು ಉಡುಪಿ ಜಿಲ್ಲಾ ಜಮ್ಯಿತುಲ್ ಫಲಾಹ್ ಅಧ್ಯಕ್ಷ ಶಾಹುಲ್ ಹಮೀದ್ ಉದ್ಘಾಟಿಸಿದರು. ಶೇಖ್ ಫಯ್ಯಾಝ್ ಅಲಿ ಅಧ್ಯಕ್ಷತೆ ವಹಿಸಿದ್ದರು. ಮುಖ್ಯ ಅತಿಥಿಯಾಗಿ ಬೈಂದೂರಿನ ಕ್ಷೇತ್ರ ಶಿಕ್ಷಣಾಧಿಕಾರಿ ನಾಗೇಶ್ ನಾಯ್ಕ ಮಾತನಾಡಿದರು.

ಈ ಸಂದರ್ಭ ಸಾಧಕರಾದ ಸಾದಾ ಅಬುಬಕರ್ ಬಾಷಾ ಸಾಹೇಬ್, ಸಿಎ ಸಯ್ಯದ್ ಅಜ್ಮಲ್ ಹಾಗೂ ಟಿ.ಹುಸೈನ್ ಸಾಹೇಬ್ ರನ್ನು ಸನ್ಮಾನಿಸಲಾಯಿತು. ಸುಮಾರು 40 ಅರ್ಹ ವಿದ್ಯಾರ್ಥಿಗಳಿಗೆ ವಿದ್ಯಾರ್ಥಿ ವೇತನವನ್ನು ವಿತರಿಸಲಾಯಿತು.

ಕೆಇಎಸ್.ನ ಮುಖ್ಯ ಶಿಕ್ಷಕ ಅಬ್ದುಲ್ ರವೂಫ್, ಖುರ್ಷಿದ್ ಆಲಂ ಹಬೀಬುಲ್ಲಾಹ್ ಮತ್ತು ಅಬುಬಕರ್ ಕರಾನಿ, ಉಡುಪಿ ಜಿಲ್ಲಾ ಮುಸ್ಲಿಂ ಒಕ್ಕೂಟದ ಬೈಂದೂರು ಘಟಕದ ಕಾರ್ಯದರ್ಶಿ ತುಫೈಲ್ ಅಹ್ಮದ್ ಶಹಾಬುದ್ದೀನ್ ಉಪಸ್ಥಿತರಿದ್ದರು.

ಜಮ್ಯಿತುಲ್ ಫಲಾಹ್ ಬೈಂದೂರು ತಾಲೂಕಿನ ಪ್ರಧಾನ ಕಾರ್ಯದರ್ಶಿ ಮನ್ಸೂರ್ ಇಬ್ರಾಹೀಂ ಪ್ರಾಸ್ತಾವಿಕವಾಗಿ ಮಾತನಾ ಡಿದರು. ಎಂ.ಎಚ್. ಮಾವಿಯ ಕುರಾನ್ ಪಠಿಸಿದರು. ಎಚ್.ಎಸ್.ಸಿದ್ದೀಕ್ ಕಾರ್ಯಕ್ರಮ ನಿರೂಪಿಸಿದರು.