ಅಸ್ಸಾಂ: ಒಂದು ದಿನ ಮಟ್ಟಿಗೆ ಜಿಲ್ಲಾಧಿಕಾರಿಯಾದ 10ನೇ ತರಗತಿಯ ವಿದ್ಯಾರ್ಥಿ

ಶಿವಸಾಗರ (ಅಸ್ಸಾಂ): ಅಸ್ಸಾಂನಲ್ಲಿ ಪ್ರಥಮ ಬಾರಿಗೆ ಬಡ ಕುಟುಂಬದ 10ನೇ ತರಗತಿ ವಿದ್ಯಾರ್ಥಿಯೊಬ್ಬ ಒಂದು ದಿನದ ಮಟ್ಟಿಗೆ ಶಿವಸಾಗರ ಜಿಲ್ಲಾಧಿಕಾರಿಯಾಗುವ ಅಪೂರ್ವ ಅವಕಾಶ ಪಡೆದಿದ್ದಾನೆ.

ಬೊಕೊಟಾ ನೆಮುಗುರಿ ಡ್ಯೂರಿಟಿಂಗ್ ಟೀ ಗಾರ್ಡನ್ ನ ಭಾಗ್ಯದೀಪ್ ರಾಜ್ಗರ್ ಅವರನ್ನು ಯೋಜನೆಯಡಿ ಆಯ್ಕೆ ಮಾಡಿದ ಜಿಲ್ಲಾಧಿಕಾರಿ ಆದಿತ್ಯ ವಿಕ್ರಮ್ ಯಾದವ್ ಅವರ ಮನೆಗೆ ತೆರಳಿ ಬಾಲಕನನ್ನು ಇಲ್ಲಿಗೆ ಕರೆತಂದರು, ಭಾಗ್ಯದೀಪ್  ಅವರು ಸೋಮವಾರ ದಿನಪೂರ್ತಿ ನಡೆದ ಜಿಲ್ಲಾ ಅಭಿವೃದ್ಧಿ ಸಮಿತಿಯ (ಡಿಡಿಸಿ) ಸಭೆಯಲ್ಲಿ ಭಾಗವಹಿಸಿದರು.

ದೂರದ, ಗ್ರಾಮೀಣ ಮತ್ತು ಬಡ ಕುಟುಂಬಗಳ ಪ್ರತಿಭಾವಂತ ವಿದ್ಯಾರ್ಥಿಗಳನ್ನು ಗುರುತಿಸುವ ಉಪಕ್ರಮವಾಗಿರುವ 'ಆರೋಹಣ್' ಕಾರ್ಯಕ್ರಮದ ಅಡಿಯಲ್ಲಿ ಬೊಕೊಟಾ ಬೋರ್ಬಮ್ ಹೈಸ್ಕೂಲ್ ನ 16 ವರ್ಷದ ವಿದ್ಯಾರ್ಥಿ ಭಾಗ್ಯದೀಪ್ ರಾಜ್ಗರ್ ಅವರನ್ನು ಆಯ್ಕೆ ಮಾಡಲಾಗಿದೆ ಎಂದು ಯಾದವ್ ಸುದ್ದಿಗಾರರಿಗೆ ತಿಳಿಸಿದರು.

ವಿದ್ಯಾರ್ಥಿಗಳು ವೃತ್ತಿಪರ ಕೋರ್ಸ್ಗಳನ್ನು ತೆಗೆದುಕೊಳ್ಳಲು ಮತ್ತು ವೈದ್ಯರು, ಎಂಜಿನಿಯರ್ಗಳು ಹಾಗೂ ನಾಗರಿಕ ಸೇವಕರು ಸೇರಿದಂತೆ ವಿವಿಧ ಕ್ಷೇತ್ರಗಳಲ್ಲಿ ವೃತ್ತಿಜೀವನವನ್ನು ಹೊಂದಲು ವಿದ್ಯಾರ್ಥಿಗಳನ್ನು ಆಕಾಂಕ್ಷೆ ಮತ್ತು ಕಠಿಣ ಪರಿಶ್ರಮಕ್ಕೆ ಪ್ರೇರೇಪಿಸಲು ನಾವು ಬಯಸುತ್ತೇವೆ,' ಎಂದು ಅವರು ಹೇಳಿದರು.

ಭಾಗ್ಯದೀಪ್ ರಾಜ್ಗರ್ ಪ್ರತಿಭಾವಂತ ಹುಡುಗ, ಅವರು ಜೀವನದಲ್ಲಿ ಹಲವಾರು ಕಷ್ಟಗಳನ್ನು ಎದುರಿಸುತ್ತಿದ್ದರೂ, ಶ್ರೇಷ್ಠತೆಯನ್ನು ಸಾಧಿಸಲು ಶ್ರಮಿಸುತ್ತಿದ್ದಾರೆ. 'ಒಂದು ದಿನದ ಮಟ್ಟಿಗೆ ಜಿಲ್ಲಾಧಿಕಾರಿ ಹುದ್ದೆಗೆ ಅವರನ್ನು ಆಯ್ಕೆ ಮಾಡುವುದರಿಂದ ಅವರು ಮಾತ್ರವಲ್ಲದೆ ಇತರ ವಿದ್ಯಾರ್ಥಿಗಳಿಗೂ ತಮ್ಮ ಅಧ್ಯಯನವನ್ನು ಮುಂದುವರಿಸಲು ಪ್ರೇರೇಪಿಸುತ್ತದೆ ಎಂದು ನನಗೆ ಖಚಿತವಾಗಿದೆ,'' ಎಂದು ಡಿಸಿ ಹೇಳಿದರು

''ನನಗೆ ಆಡಳಿತ ಅಧಿಕಾರಿಯಾಗುವ ಕನಸಿದೆ. ವಿವಿಧ ಇಲಾಖೆಗಳ ಕಾರ್ಯವೈಖರಿಯನ್ನು ಕಲಿತುಕೊಂಡು ಒಂದು ದಿನದ ಜಿಲ್ಲಾಧಿಕಾರಿಯಾಗಿರುವ ಈ ಅವಕಾಶಕ್ಕಾಗಿ ನಾನು ತುಂಬಾ ಕೃತಜ್ಞನಾಗಿದ್ದೇನೆ,'' ಎಂದು ಭಾಗ್ಯದೀಪ್ ಹೇಳಿದರು.