ಭಾರತೀಯ ಕೆನಡಿಯನ್‌ಗೆ ಪ್ರತಿಷ್ಠಿತ ಶಾಂತಿ ಪ್ರಶಸ್ತಿ
Update: 2016-03-22 17:59 GMT
ಜೊಹಾನ್ಸ್‌ಬರ್ಗ್, ಮಾ. 22: ಶಾಂತಿ ಮತ್ತು ಮಾನವಹಕ್ಕುಗಳ ಶಿಕ್ಷಣಕ್ಕೆ ನೀಡಿರುವ ಉತ್ತೇಜನಕ್ಕಾಗಿ ಭಾರತೀಯ-ಕೆನಡಿಯನ್ ಡಾ. ಮುಹಮ್ಮದ್ ಕೇಶವ್‌ಜಿಗೆ ಪ್ರತಿಷ್ಠಿತ ಗಾಂಧಿ ಕಿಂಗ್ ಇಕೇಡ ಪ್ರಶಸ್ತಿಯನ್ನು ನೀಡಲಾಗುವುದು. ಮಾರ್ಟಿನ್ ಲೂಥರ್ ಕಿಂಗ್ ಜೂನಿಯರ್ ಇಂಟರ್‌ನ್ಯಾಶನಲ್ ಚಾಪೆಲ್ ಅಮೆರಿಕದ ಅಟ್ಲಾಂಟದಲ್ಲಿ ಎಪ್ರಿಲ್ 5ರಂದು ಏರ್ಪಡಿಸುವ ವಾರ್ಷಿಕ ಶಾಂತಿ ಮತ್ತು ಅಂತರ್-ಧರ್ಮೀಯ ಸಮ್ಮೇಳನದಲ್ಲಿ ದಕ್ಷಿಣ ಆಫ್ರಿಕ ಸಂಜಾತನಿಗೆ ಪ್ರಶಸ್ತಿ ಪ್ರದಾನ ಮಾಡಲಾಗುವುದು.ಮಾರ್ಟಿನ್ ಲೂಥರ್ ಕಿಂಗ್‌ರ 48ನೆ ಪುಣ್ಯತಿಥಿಯಂದು ನಡೆಯುವ ಸಮಾರಂಭದಲ್ಲಿ ಡಾ. ಮುಹಮ್ಮದ್ ಕೇಶವ್‌ಜಿ ಅವರು ಮಹಾತ್ಮಾ ಗಾಂಧಿ, ಮಾರ್ಟಿನ್ ಲೂಥರ್ ಕಿಂಗ್ ಮತ್ತು ನೆಲ್ಸನ್ ಮಂಡೇಲರ ವ್ಯಕ್ತಿತ್ವಗಳ ಬಗ್ಗೆ ಭಾಷಣ ಮಾಡಲಿದ್ದಾರೆ.