ವೀರಕಂಭ ಓಂಕಾರ್ ಫ್ರೆಂಡ್ಸ್ ವತಿಯಿಂದ ಬಸ್ ತಂಗುದಾಣ ಲೋಕಾರ್ಪಣೆ

ಬಂಟ್ವಾಳ : ವೀರಕಂಭ ಓಂಕಾರ್ ಫ್ರೆಂಡ್ಸ್ ವತಿಯಿಂದ ವೀರಕಂಭ ಗ್ರಾಮ ಪಂಚಾಯತ್ ಸಮೀಪದ ಅಂಚೆ ಕಚೇರಿಯ ಎದುರು ನಿರ್ಮಿಸಲ್ಪಟ್ಟ ತಂಗುದಾಣವನ್ನು ಲೋಕಾರ್ಪಣೆ ಗೊಳಿಸಲಾಯಿತು.

ತಂಗುದಾಣವನ್ನು ಲೋಕಾರ್ಪಣೆ ಗೊಳಿಸಿದ ವೀರಕಂಭ ಗ್ರಾಮ ಪಂಚಾಯತ್ ಉಪಾಧ್ಯಕ್ಷ ಜನಾರ್ಧನ ಪೂಜಾರಿ ಮಾತನಾಡಿ, ಇಲ್ಲಿ ಈ ಹಿಂದೆ ಇದ್ದ ತಂಗುದಾಣವು ರಸ್ತೆ ಅಗಲೀಕರಣ ಸಂದರ್ಭದಲ್ಲಿ ತೆರವಾಗಿದ್ದು ಶಾಲಾ ಮಕ್ಕಳು, ಸಾರ್ವಜನಿಕರು ತೀರಾ ತೊಂದರೆ ಅನುಭವಿಸುತ್ತಿದ್ದರು. ಇದನ್ನರಿತ ಸ್ಥಳೀಯ ಓಂಕಾರ್ ಫ್ರೆಂಡ್ಸ್ ನಾವೂರು ತಂಗುದಾಣವನ್ನು ನಿರ್ಮಿಸಿ ಕೊಟ್ಟಿರುವುದು ಶ್ಲಾಘನೀಯ ಎಂದರು.

ಈ ಸಂದರ್ಭದಲ್ಲಿ ಗ್ರಾಮ ಪಂಚಾಯತ್ ಮಾಜಿ ಸದಸ್ಯ ರಾಮಚಂದ್ರ ಪ್ರಭು, ಓಂಕಾರ್ ಫ್ರೆಂಡ್ಸ್ ಅಧ್ಯಕ್ಷ ಕೀರ್ತನ್, ಮಾಜಿ ಅಧ್ಯಕ್ಷ ವಾಸು ನಾಯ್ಕ್, ಕಾರ್ಯದರ್ಶಿ ಪ್ರವೀಣ್, ಯುವಶಕ್ತಿ ಫ್ರೆಂಡ್ಸ್ ನ ಅಧ್ಯಕ್ಷ ಜಗದೀಶ್, ಹಾಗೂ ಮತ್ತಿತರರು ಉಪಸ್ಥಿತರಿದ್ದರು.