ಜಪಾನ್ ಪ್ರಧಾನಿಯಾಗಿ ಶಿಗೆರು ಇಷಿಬಾ ಆಯ್ಕೆ

ಟೋಕಿಯೊ : ಜಪಾನ್ನಗ ಮಾಜಿ ರಕ್ಷಣಾ ಸಚಿವ ಶಿಗೆರು ಇಷಿಬಾ ದೇಶದ ನೂತನ ಪ್ರಧಾನಿಯಾಗಿ ಆಯ್ಕೆಗೊಂಡಿರುವುದಾಗಿ ಆಡಳಿತಾರೂಢ ಪಕ್ಷದ ಮೂಲಗಳನ್ನು ಉಲ್ಲೇಖಿಸಿ ಮಾಧ್ಯಮಗಳು ಶುಕ್ರವಾರ ವರದಿ ಮಾಡಿವೆ.

ಫ್ಯುಮಿಯೊ ಕಿಷಿಡಾ ತನ್ನ ಅಧಿಕಾರಾವಧಿಯನ್ನು ಕೊನೆಗೊಳಿಸುತ್ತಿದ್ದಂತೆಯೇ ಮುಂದಿನ ಪ್ರಧಾನಿಯನ್ನು ಆಯ್ಕೆ ಮಾಡಲು ಆಡಳಿತಾರೂಢ `ಲಿಬರಲ್ ಡೆಮಾಕ್ರಟಿಕ್ ಪಾರ್ಟಿ(ಎಲ್ಡಿುಪಿ)ಯ ಸದಸ್ಯರು ನಡೆಸಿದ ಮತದಾನದಲ್ಲಿ 67 ವರ್ಷದ ಇಷಿಬಾ ತಮ್ಮ ನಿಕಟ ಪ್ರತಿಸ್ಪರ್ಧಿ, ದೇಶದ ಪ್ರಥಮ ಮಹಿಳಾ ಪ್ರಧಾನಿಯಾಗುವ ಹಂಬಲದಲ್ಲಿದ್ದ ಸನೇ ತಕೈಚಿಯನ್ನು ಸೋಲಿಸಿದರು ಎಂದು ವರದಿ ಹೇಳಿದೆ.

9 ಅಭ್ಯರ್ಥಿಗಳ ಪೈಕಿ ಇಷಿಬಾ 215 ಮತಗಳನ್ನು ಸನೇ ತಕೈಚಿ 194 ಮತಗಳನ್ನು ಗಳಿಸಿದ್ದರು. 2012ರಲ್ಲೂ ಪ್ರಧಾನಿ ಹುದ್ದೆಯ ರೇಸ್ನ್ಲ್ಲಿದ್ದ ಇಷಿಬಾ, ಶಿಂಝೋ ಅಬೆ ಎದುರು ಸೋತಿದ್ದರು. ಅಕ್ಟೋಬರ್ ನಲ್ಲಿ ನೂತನ ಪ್ರಧಾನಿ ಅಧಿಕಾರ ವಹಿಸಿಕೊಳ್ಳುವ ನಿರೀಕ್ಷೆಯಿದೆ ಎಂದು ವರದಿ ಹೇಳಿದೆ.