ಅಮೆರಿಕ | ಭಾರತೀಯ ಮೂಲದ ವ್ಯಕ್ತಿಯ ಗುಂಡಿಕ್ಕಿ ಹತ್ಯೆ

ವಾಷಿಂಗ್ಟನ್: ಅಮೆರಿಕದ ಇಂಡಿಯಾನಾ ರಾಜ್ಯದಲ್ಲಿ ಇಬ್ಬರು ವಾಹನ ಸವಾರರ ನಡುವೆ ಆರಂಭವಾದ ಜಗಳ ಒಬ್ಬನ ಹತ್ಯೆಯಲ್ಲಿ ಅಂತ್ಯಗೊಂಡಿದೆ. ಗುಂಡೇಟಿನಿಂದ ಮೃತಪಟ್ಟ ವ್ಯಕ್ತಿಯನ್ನು ಭಾರತೀಯ ಮೂಲದ ಗವಿನ್ ದಸೌರ್ ಎಂದು ಗುರುತಿಸಲಾಗಿದೆ.

ಗವಿನ್ ದಸೌರ್ ಇತ್ತೀಚೆಗಷ್ಟೇ ಮೆಕ್ಸಿಕೋದ ಯುವತಿಯೊಂದಿಗೆ ವಿವಾಹವಾಗಿದ್ದ. ಪತ್ನಿಯೊಂದಿಗೆ ಕಾರಿನಲ್ಲಿ ತೆರಳುತ್ತಿದ್ದಾಗ ಟ್ರಕ್ ಚಾಲಕನ ಜತೆ ಮಾತಿನ ಚಕಮಕಿ ನಡೆದಿದ್ದು ಕಾರಿನಿಂದ ಕೆಳಗಿಳಿದ ದಸೌರ್ ಪಿಸ್ತೂಲ್ ಹಿಡಿದು ಟ್ರಕ್ನತ್ತ ಧಾವಿಸಿ ಟ್ರಕ್ನ ಬಾಗಿಲಿಗೆ ಗುದ್ದಿದ್ದಾನೆ. ಆಗ ಟ್ರಕ್ ಚಾಲಕ ತನ್ನಲ್ಲಿದ್ದ ಪಿಸ್ತೂಲ್ನಿಂದ ಗುಂಡು ಹಾರಿಸಿದಾಗ ತೀವ್ರ ಗಾಯಗೊಂಡ ದಸೌರ್ ನೆಲಕ್ಕೆ ಬೀಳುವ ವೀಡಿಯೊ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿದೆ. ಇದನ್ನು ಆಧರಿಸಿ ಪ್ರಕರಣ ದಾಖಲಿಸಿಕೊಂಡಿರುವ ಪೊಲೀಸರು ಆರೋಪಿ ಟ್ರಕ್ ಚಾಲಕನನ್ನು ಬಂಧಿಸಿರುವುದಾಗಿ ವರದಿಯಾಗಿದೆ.