ಸಿರಿಬಾಗಿಲು ವೆಂಕಪ್ಪಯ್ಯ ಸ್ಮಾರಕ ಕಲಾಭವನಕ್ಕೆ ಕಲಾರಂಗದ ತಂಡದ ಭೇಟಿ

ಕಾಸರಗೋಡು, ಆ. 15:  ರಂದು ಉಡುಪಿ ಯಕ್ಷಗಾನ ಕಲಾರಂಗದ ಅಧ್ಯಕ್ಷರ ನೇತೃತ್ವದಲ್ಲಿ ಸಂಸ್ಥೆಯ ಸದಸ್ಯರು ಕಾಸರಗೋಡಿನ ಸಿರಿಬಾಗಿಲು ವೆಂಕಪ್ಪಯ್ಯ ಸ್ಮಾರಕ ಕಲಾಭವನಕ್ಕೆ ಭೇಟಿ ನೀಡಿದರು.

ಕಲಾವಿದ ತನ್ನ ವೃತ್ತಿ ತಿರುಗಾಟದ ನಡುವೆ ಗ್ರಾಮೀಣ ಪ್ರದೇಶದಲ್ಲಿ ತನ್ನ ತೀರ್ಥರೂಪರಾದ ಸಾಹಿತಿ ವೆಂಕಪ್ಪಯ್ಯನವರ ಸ್ಮಾರಕ ನಿರ್ಮಿಸಿದ ಕಲಾಭವನ ವೀಕ್ಷಿಸಿ ಸಂತೋಷ ಪಟ್ಟರು.

ಮೂರಂತಸ್ತಿನ ಕಟ್ಟಡದಲ್ಲಿ ಯಕ್ಷಗಾನ ಪ್ರದರ್ಶನ, ಯಕ್ಷಗಾನ ಸಂಬಂಧಿ ಕಾರ್ಯಗಾರ ಮಾಡಲು ಅನುಕೂಲವಾಗುವಂತೆ ಕಟ್ಟಡ ನಿರ್ಮಾಣಗೊಂಡಿದೆ. ಎರಡನೇ ಅಂತಸ್ತಿನಲ್ಲಿರುವ ಯಕ್ಷಗಾನ ವೇಷಗಳ ಪ್ರತಿಕೃತಿ, ಅಗಲಿದ ಹಿರಿಯ ಕಲಾವಿದರ ಭಾವಚಿತ್ರಗಳ ಮ್ಯೂಸಿಯಂ ಆಕರ್ಷಕವಾಗಿದೆ. ಇಡೀ ತಂಡವನ್ನು ಪ್ರೀತಿಯಿಂದ ಸ್ವಾಗತಿಸಿದ ಭಾಗವತ ಸಿರಿಬಾಗಿಲು ರಾಮಕೃಷ್ಣ ಮಯ್ಯ, ʼಇಲ್ಲಿ ಸದಾ ಕಲಾಸಂಬಂಧಿ ಕಾರ್ಯಕ್ರಮಗಳು ನಡೆಯುತ್ತಿರಬೇಕು ಎಂಬುದು ತನ್ನ ಆಶಯ. ಅದಕ್ಕಾಗಿ ಒಂದಿಷ್ಟು ಯೋಜನೆ ರೂಪಿಸಿಕೊಂಡಿದ್ದೇವೆʼ ಎಂದು ಹೇಳಿದರು.