ಲೋಕಸಭಾ ಚುನಾವಣೆ: ಕೋಲಾರದಲ್ಲಿ ಬಿರುಸಿನ ಮತದಾನ
Update: 2024-04-26 05:03 GMT
ಕೋಲಾರ ಜಿಲ್ಲಾ ಚುನಾವಣಾಧಿಕಾರಿ ಅಕ್ರಂ ಪಾಷಾ ಹಾಗೂ ಸಹಾಯಕ ಜಿಲ್ಲಾ ಚುನಾವಣಾಧಿಕಾರಿ ಶಂಕರ್ ವಾಣಿಕ್ಯಳ್ ಮತದಾನ ಮಾಡಿದರು.
ಕೋಲಾರ : 18ನೇ ಲೋಕಸಭಾ ಚುನಾವಣೆಯ ಮತದಾನ ನಡೆಯುತ್ತಿದ್ದು, ಶುಕ್ರವಾರ ಬೆಳಿಗ್ಗೆ ಕೋಲಾರ ನಗರದ ಮತಗಟ್ಟೆ ಸಂ 103ರಲ್ಲಿ ಸರತಿ ಸಾಲಿನಲ್ಲಿ ನಿಂತು ಜಿಲ್ಲಾ ಚುನಾವಣಾಧಿಕಾರಿ ಅಕ್ರಂ ಪಾಷಾ ಹಾಗೂ ಸಹಾಯಕ ಜಿಲ್ಲಾ ಚುನಾವಣಾಧಿಕಾರಿ ಶಂಕರ್ ವಾಣಿಕ್ಯಳ್ ಮತದಾನ ಮಾಡಿದರು.
ಈ ವೇಳೆ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ಪ್ರಜಾಪ್ರಭುತ್ವವನ್ನು ಗಟ್ಟಿಗೊಳಿಸಲು ಪ್ರತಿಯೊಬ್ಬರೂ ಮತ ಚಲಾವಣೆ ಮಾಡಿ ಎಂದು ಕರೆ ನೀಡಿದರು.
ಕೋಲಾರ ಹೊರವಲಯದ ಬಸವನತ್ತ ಗ್ರಾಮದಲ್ಲಿ ಶತಾಯುಷಿ ಮುನಿವೆಂಕಟಪ್ಪ (107) ಯಾರ ಸಹಾಯವೂ ಇಲ್ಲದೆ ಮತಗಟ್ಟೆಗೆ ದಾವಿಸಿ ಮತ ಚಲಾವಣೆ ಮಾಡಿದರು.
