ಬಿಜೆಪಿಯ ಸಿದ್ಧಾಂತವೂ ನಕಲಿ, ಬಿಜೆಪಿಯವರ ಸದಸ್ಯರೂ ನಕಲಿ : ಸಚಿವ ಪ್ರಿಯಾಂಕ್ ಖರ್ಗೆ

ಬೆಂಗಳೂರು: ಬಿಜೆಪಿಯ ಸಿದ್ಧಾಂತವೂ ನಕಲಿ, ಬಿಜೆಪಿಯವರ ಮಾತುಗಳೂ ನಕಲಿ, ಬಿಜೆಪಿಯವರ ಸದಸ್ಯರೂ ನಕಲಿ, ಅಸಲಿಯಾಗಿರುವುದು ಬಿಜೆಪಿಯವರ ಬೂಟಾಟಿಕೆ ಮಾತ್ರ ಎಂದು ಗ್ರಾಮೀಣ ಅಭಿವೃದ್ಧಿ ಸಚಿವ ಪ್ರಿಯಾಂಕ್ ಖರ್ಗೆ ತಿಳಿಸಿದ್ದಾರೆ.

ಬುಧವಾರ ಈ ಕುರಿತು ಎಕ್ಸ್‌ ನಲ್ಲಿ ಪೋಸ್ಟ್ ಹಾಕಿರುವ ಅವರು, ‘ಮೇಲೆ ತಳುಕು ಒಳಗೆ ಹುಳುಕು’ ಇದು ಬಿಜೆಪಿಯ ಸದಸ್ಯತ್ವ ಅಭಿಯಾನದ ಒನ್ ಲೈನ್ ಸ್ಟೋರಿ. ಏಜನ್ಸಿಗಳ ಮೂಲಕ ನಕಲಿ ಸದಸ್ಯರನ್ನು ಸೇರಿಸಲಾಗುತ್ತಿದೆ. ಈ ಮೂಲಕ ದೊಡ್ಡ ನಾಯಕರಾಗಿ ಬಿಂಬಿಸಿಕೊಳ್ಳಲು ಕೆಲವರು ಪ್ರಯತ್ನಿಸುತ್ತಿದ್ದಾರೆ ಎಂದು ಮಧ್ಯಪ್ರದೇಶದ ಶಾಸಕ, ಹಿರಿಯ ಬಿಜೆಪಿ ನಾಯಕ ಅಜಯ್ ವಿಶ್ಣೋಯ್ ಹೇಳಿದ್ದಾರೆ ಎಂದು ಟೀಕಿಸಿದ್ದಾರೆ.

ಕರ್ನಾಟಕ ಬಿಜೆಪಿಯವರು ಸಹ ತಮ್ಮ ಹುದ್ದೆ ಉಳಿಸಿಕೊಳ್ಳಲು ಇದೇ ಮಾರ್ಗ ಅನುಸರಿಸುತ್ತಿದ್ದರೂ ಆಶ್ಚರ್ಯವಿಲ್ಲ ಹೇಳಿದ್ದಾರೆ.