ಗ್ರಾಪಂ ಉಪಚುನಾವಣೆ: ಶೇ.69.58 ಮತದಾನ

ಉಡುಪಿ, ಜು.23: ಜಿಲ್ಲೆಯ ಎರಡು ಗ್ರಾಪಂ ವ್ಯಾಪ್ತಿಯ ಎರಡು ಕ್ಷೇತ್ರಗಳಿಗೆ ಇಂದು ಉಪಚುನಾವಣೆ ನಡೆದಿದ್ದು, ಇದರಲ್ಲಿ ಒಟ್ಟು 1700 ಮತದಾರರ ಪೈಕಿ 1183 ಮಂದಿ ಮತದಾನ ಮಾಡುವ ಮೂಲಕ ಶೇ.69.58ರಷ್ಟು ಮತದಾನ ಆಗಿರುವ ಬಗ್ಗೆ ವರದಿಯಾಗಿದೆ.

ಹಾರಾಡಿ ಗ್ರಾಪಂ ವ್ಯಾಪ್ತಿಯ 4-ಹಾರಾಡಿ ಕ್ಷೇತ್ರದಲ್ಲಿನ ಒಟ್ಟು 984 ಮತದಾರರ ಪೈಕಿ 713 ಮಂದಿ ಮತದಾನ ಮಾಡುವ ಮೂಲಕ ಶೇ.72.46 ಮತ್ತು ಹೆಮ್ಮಾಡಿ ಗ್ರಾಪಂ ವ್ಯಾಪ್ತಿಯ 2-ಹೆಮ್ಮಾಡಿ ಕ್ಷೇತ್ರದಲ್ಲಿನ ಒಟ್ಟು 716 ಮತದಾನ ಪೈಕಿ 470 ಮಂದಿ ಹಕ್ಕು ಚಲಾಯಿಸುವ ಮೂಲಕ ಶೇ.65.64 ರಷ್ಟು ಮತದಾನವಾಗಿದೆ ಎಂದು ಜಿಲ್ಲಾಧಿಕಾರಿ ಕಚೇರಿ ಪ್ರಕಟಣೆ ತಿಳಿಸಿದೆ.