ಪ್ರತ್ಯೇಕ ಪ್ರಕರಣ: ರೈಲು ಢಿಕ್ಕಿ ಹೊಡೆದು ಇಬ್ಬರು ಮೃತ್ಯು

ಕುಂದಾಪುರ, ಸೆ.23: ಹಟ್ಟಿಯಂಗಡಿ ಎಂಬಲ್ಲಿ ಸೆ.22ರಂದು ಸಂಜೆ ವೇಳೆ ಚಲಿಸುತ್ತಿದ್ದ ರೈಲು ಢಿಕ್ಕಿ ಹೊಡೆದ ಪರಿಣಾಮ ಅಬ್ಬಿಗುಡ್ಡಿಯ ನಾಗೇಶ್ ಎಂಬವರು ಗಂಭೀರವಾಗಿ ಗಾಯಗೊಂಡು ಸ್ಥಳದಲ್ಲಿಯೇ ಮೃತಪಟ್ಟಿದ್ದಾರೆ. ಈ ಬಗ್ಗೆ ಕುಂದಾಪುರ ಗ್ರಾಮಾಂತರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಬ್ರಹ್ಮಾವರ: ಹೇರಂಜೆ ರೈಲ್ವೇ ಗೇಟ್ ಬಳಿ ಸೆ.22ರಂದು ಸಂಜೆ ವೇಳೆ ಚಲಿಸುತ್ತಿದ್ದ ರೈಲು ಆಕಸ್ಮಿಕವಾಗಿ ಡಿಕ್ಕಿ ಹೊಡೆದ ಪರಿಣಾಮ ರೈಲ್ವೆ ಹಳಿಯಲ್ಲಿ ನಡೆದುಕೊಂಡು ಹೋಗುತ್ತಿದ್ದ ಉಪ್ಪೂರು ಗ್ರಾಮದ ಮಂಜುನಾಥ ಮಿಜಿರಾ(65) ಎಂಬವರಿಗೆ ಮೃತಪಟ್ಟಿದ್ದಾರೆ.

ಈ ಬಗ್ಗೆ ಬ್ರಹ್ಮಾವರ ಪೊಲೀಸ್ ಠಾಣೆ ಯಲ್ಲಿ ಪ್ರಕರಣ ದಾಖಲಾಗಿದೆ.