‘ಮೈಂಡ್ ಮಿಸ್ಟರಿ’ ಕಾರ್ಯಕ್ರಮದ ಪೋಸ್ಟರ್ ಬಿಡುಗಡೆ

ಉಡುಪಿ: ಮಾಯಾವಿ ಕುದ್ರೋಳಿ ಗಣೇಶ್ ಅವರಿಂದ ಡಿ.21 ಮತ್ತು 22ರಂದು ಉಡುಪಿ ಯಕ್ಷಗಾನ ಕಲಾರಂಗದ ಐವೈಸಿ ಸಭಾಂಗಣದಲ್ಲಿ ಹಮ್ಮಿಕೊಳ್ಳಲಾಗಿರುವ ಮೈಂಡ್ ಮಿಸ್ಟರಿ ಸುಪ್ತ ಮನಸ್ಸಿನ ನಶಕ್ತಿಯ ಅನಾವರಣ ಕಾರ್ಯಕ್ರಮದ ಪೋಸ್ಟರ್‌ನ್ನು ಉದ್ಯಮಿ ಜಿ.ಶಂಕರ್ ಅಂಬಲಪಾಡಿಯ ಮಿನಿ ಸಭಾಂಗಣದಲ್ಲಿ ಸೋಮವಾರ ಬಿಡುಗಡೆಗೊಳಿಸಿದರು.

ಬಳಿಕ ಮಾತನಾಡಿದ ಅವರು, ಜಾದು ಎಂಬುದು ಉತ್ತಮ ಕಲೆ. ಕುದ್ರೋಳಿ ಗಣೇಶ್ ಉತ್ತಮ ಕಲಾವಿದ. ಅವರಿಗೆ ಪ್ರೋತ್ಸಾಹ ಅಗತ್ಯವಾಗಿ ಸಿಗಬೇಕು ಎಂದು ಶುಭಹಾರೈಸಿದರು.

ಬಳಿಕ ಮಾತನಾಡಿದ ಕುದ್ರೋಳಿ ಗಣೇಶ್, ಡಿ.31ರಂದು ಸಂಜೆ 6.30ಕ್ಕೆ, ಡಿ.22ರಂದು ಮಧ್ಯಾಹ್ನ 3.30 ಹಾಗೂ ಸಂಜೆ 6.30ಕ್ಕೆ ಪ್ರದರ್ಶನ ನಡೆಯಲಿದೆ. ಈಗಾಗಲೇ ಹಲವು ಕಡೆಗಳಲ್ಲಿ ವಿದ್ಯಾರ್ಥಿಗಳಿಗೆ ಹಾಗೂ ಪ್ರೊಫೆಸರ್‌ಗಳಿಗಾಗಿ ಈ ಪ್ರದರ್ಶನ ಮಾಡಲಾಗಿದ್ದು, ಇದು ಪ್ರಥಮವಾಗಿ ಸಾರ್ವಜನಿಕವಾಗಿ ಈ ಪ್ರದರ್ಶನ ನಡೆಯಲಿದೆ ಎಂದರು.

ಸುಮಾರು 120 ನಿಮಿಷಗಳ ಪ್ರದರ್ಶನದಲ್ಲಿ ಇದಾಗಿದೆ. ಇದೊಂದು ಮನಸ್ಸಿಗೆ ಸಂಬಂಧಿಸಿದ ಕಲೆಯಾಗಿದೆ. ಇದರಿಂದ ಇಡೀ ಮನಸ್ಸು ಚುರುಕು ಗೊಳ್ಳುತ್ತದೆ. ಈ ಪ್ರದರ್ಶನಕ್ಕೆ ೧೬ವರ್ಷಕ್ಕಿಂತ ಕೆಳಗಿನ ಮಕ್ಕಳಿಗೆ ಪ್ರವೇಶ ಇರುವುದಿಲ್ಲ ಎಂದು ಅವರು ತಿಳಿಸಿದರು.

ಈ ಸಂದರ್ಭದಲ್ಲಿ ಕಾರ್ಯಕ್ರಮ ಸಂಯೋಜಕ ವಿಕ್ರಂ ಶೆಟ್ಟಿ ಉಪಸ್ಥಿತರಿದ್ದರು.