ವಿಜಯನಗರ: ವಿದ್ಯುತ್ ಕಂಬದಿಂದ ಜಾರಿ ನೆಲಕ್ಕೆ ಬಂದು ನಿಂತಿರುವ ಟ್ರಾನ್ಸ್ ಫಾರ್ಮರ್; ಆತಂಕದಲ್ಲಿ ಗ್ರಾಮಸ್ಥರು

ವಿಜಯನಗರ: ವಿದ್ಯುತ್ ಕಂಬದಿಂದ ಕೆಳಕ್ಕೆ ಜಾರಿರುವ ಟ್ರಾನ್ಸ್ ಫಾರ್ಮರ್ ನೆಲಕ್ಕೆ ಬಂದು ನಿಂತಿದ್ದರೂ ಜೆಸ್ಕಾಂ ಅಧಿಕಾರಿಗಳು ಈ ಬಗ್ಗೆ ಗಮನ ಹರಿಸದೇ ಇರುವ ಬಗ್ಗೆ ಹೊಸಪೇಟೆಯಿಂದ ವರದಿಯಾಗಿದೆ. 

ಹೊಸಪೇಟೆ ನಗರದ ಅರವಿಂದ್ ನಗರ ಮತ್ತು ಆಜಾದ್ ನಗರ ಏರಿಯಾಗಳಲ್ಲಿ ಜನರು ಪ್ರಾಣ ಭಯದ ವಾತಾವರಣದಲ್ಲಿ ಜೀವನ ಕಳೆಯುತ್ತಿದ್ದಾರೆ ಎಂದು ತಿಳಿದು ಬಂದಿದೆ.

ಈಗ ಮಳೆಗಾಲ ಆರಂಭವಾಗಿರುವುದರಿಂದ ಟ್ರಾನ್ಸ್ ಫಾರ್ಮರ್ ನಿಂದ ಸುತ್ತಮುತ್ತಲಿನ ಮನೆಯವರಿಗೆ ಮತ್ತು ಆಟವಾಡುವ ಮಕ್ಕಳಿಗೆ ಅಪಾಯದ ಪರಿಸ್ಥಿತಿ ಇದೆ. ಎಂದು ಸಾರ್ವಜನಿಕರು ನಗರಸಭೆ ಸದಸ್ಯರೊಂದಿಗೆ ತಮ್ಮ ಆಳಲನ್ನು ತೋಡಿಕೊಂಡಿದ್ದಾರೆ.

ಈ ಬಗ್ಗೆ ಪ್ರತಿಕ್ರಿಯಿಸಿರುವ ನಗರಸಭೆ ಸದಸ್ಯ ಕೆ.ಮಹೇಶ್ ಅವರು, ಸುಮಾರು ಆರು ತಿಂಗಳಿನಿಂದ ಜೆಸ್ಕಾಂ ಅಧಿಕಾರಿಗಳಿಗೆ ವಿಷಯ ತಿಳಿಸಿದರೂ, ಈವರೆಗೂ ಸ್ಪಂದಿಸಿಲ್ಲ ಎಂದು ಆರೋಪಿಸಿದ್ದಾರೆ.