ಲೆಜೆಂಡ್ಸ್ ಟ್ರೋಫಿ ನೆಲ್ಯಾಡಿ-ಕೌಕ್ರಾಡಿ ಸಮಿತಿಯ ವತಿಯಿಂದ ವಯಸ್ಕರ ಕ್ರಿಕೆಟ್ ಪಂದ್ಯಾಕೂಟ

ನೆಲ್ಯಾಡಿ : ಲೆಜೆಂಡ್ಸ್ ಟ್ರೋಫಿ ನೆಲ್ಯಾಡಿ-ಕೌಕ್ರಾಡಿ ಸಮಿತಿಯ ವತಿಯಿಂದ ನೆಲ್ಯಾಡಿ ಹಾಗು ಕೌಕ್ರಾಡಿ ಗ್ರಾಮದ ಇತಿಹಾಸದಲ್ಲಿ ಮೊತ್ತಮೊದಲ ಬಾರಿಗೆ ಎರಡು ಗ್ರಾಮಗಳ ವಯಸ್ಕರ ಲೀಗ್ ಮಾದರಿಯ ಐತಿಹಾಸಿಕ ಅಂಡರ್ ಆರ್ಮ್ ಕ್ರಿಕೆಟ್ ಪಂದ್ಯಾಕೂಟ ಲೆಜೆಂಡ್ಸ್ ಟ್ರೋಫಿ-2024 ಫೆಬ್ರವರಿ 25 ಆದಿತ್ಯವಾರ ನೆಲ್ಯಾಡಿ ಗಾಂಧಿ ಮೈದಾನದಲ್ಲಿ ನಡೆಯಲಿದೆ.

ಬೆಳಿಗ್ಗೆ 8:30 ರಿಂದ ಆರಂಭವಾಗುವ ಕ್ರಿಕೆಟ್ ಪಂದ್ಯಾಕೂಟದಲ್ಲಿ ಒಟ್ಟು ಎಂಟು ತಂಡಗಳು ಭಾಗವಹಿಸಲಿವೆ. ಶಿವಣ್ಣ ಪಿ ಹೆಗ್ಡೆ ನೇತೃತ್ವದ ಶಿಲ್ಪ ಕ್ರಿಕೆಟರ್ಸ್, ಗಣೇಶ್ ಪೂಜಾರಿ ನೇತೃತ್ವದ ಕೋಟಿ ಚನ್ನಯ್ಯ ಕ್ರಿಕೆಟರ್ಸ್, ಲೋಕೇಶ್ ಬಾಣಜಾಲ್ ನೇತೃತ್ವದ ಸುವರ್ಣ ಸ್ಟೈಕರ್ಸ್, ಆನಂದ ಪಿಲವೂರು ನೇತೃತ್ವದ ಪಿಲವೂರು ಸ್ಟಾರ್ಸ್, ಎಂಕೆ ಇಬ್ರಾಹಿಂ ನೇತೃತ್ವದ ಎಂಕೆ ವಾರಿಯರ್ಸ್, ಅಡ್ವಕೇಟ್ ಇಸ್ಮಾಯಿಲ್ ನೇತೃತ್ವದ ಪ್ರಿಯದರ್ಶಿನಿ ಫ್ರೆಂಡ್ಸ್, ಜಬ್ಬಾರ್ ನೆಲ್ಯಾಡಿ ನೇತೃತ್ವದ ಪ್ರಿಯದರ್ಶಿನಿ ಚಾಲೆಂಜರ್ಸ್, ರಮೇಶ್ ಉತ್ತಪ್ಪ ನೇತೃತ್ವದ 90 ವಾರಿಯರ್ಸ್ ತಂಡಗಳು ಮುಖಾಮುಖಿ ಆಗಲಿವೆ.

ಬೆಳಿಗ್ಗೆ 8:30ಕ್ಕೆ ಉದ್ಯಮಿಗಳಾದ ಕುಶಾಲಪ್ಪ ಕೋಟ್ಯಾನ್ ಗುರುಕೃಪಾ ಕ್ರಿಡಾಂಗಣ ಉದ್ಘಾಟಿಸಿ ಪಂದ್ಯಾಕೂಟಕ್ಕೆ ಚಾಲನೆ ನೀಡಲಿದ್ದಾರೆ.

ಬೆಳಿಗ್ಗೆ 10 ಗಂಟೆಗೆ ನಡೆಯಲಿರುವ ಸಭಾ ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಲೆಜೆಂಡ್‌ ಟ್ರೋಫಿ ನೆಲ್ಯಾಡಿ-ಕೌಕ್ರಾಡಿ ಇದರ ಅಧ್ಯಕ್ಷರಾದ ಸುರೇಶ್ ಪಡಿಪಂಡ ವಹಿಸಲಿದ್ದಾರೆ. ಸಂತ ಜಾರ್ಜ್ ವಿದ್ಯಾಸಂಸ್ಥೆ ಇದರ ಕಾರ್ಯದರ್ಶಿಗಳಾದ ಅಬ್ರಾಹಂ ವರ್ಗೀಸ್ ರವರು ಟ್ರೋಫಿ ಅನಾವರಣಗೊಳಿಸಲಿದ್ದಾರೆ. ಅಲ್ಲದೆ ನೆಲ್ಯಾಡಿ ಗ್ರಾಮ ಪಂಚಾಯತ್ ಅಧ್ಯಕ್ಷರಾದ ಸಲಾಂ ಬಿಲಾಲ್, ಮುಹಮ್ಮದ್ ಹನೀಫ್ ಸಿಟಿ, ಡಾ. ಸದಾನಂದ ಕುಂದರ್, ಮುರಳಿ ಎಚ್, ಪ್ರಶಾಂತ್ ಚಾಕೋ, ಎಕೆ ವರ್ಗೀಸ್, ಸುಂದರ ಗೌಡ ಅತ್ರಿಜಾಲ್, ಸುಚಿತ್ರಾ ಬಂಟ್ರಿಯಾಲ್, ರೇಶ್ಮಾ ಮುಖ್ಯ ಅತಿಥಿಗಳಾಗಿ ಭಾಗವಹಿಸಲಿದ್ದಾರೆ.

ಸಂಜೆ 5 ಗಂಟೆಗೆ ನಡೆಯುವ ಸಮಾರೋಪ ಸಮಾರಂಭದಲ್ಲಿ ಕೌಕ್ರಾಡಿ ಗ್ರಾಮ ಪಂಚಾಯತ್ ಅಧ್ಯಕ್ಷರಾದ ಲೋಕೇಶ್ ಬಾಣಜಾಲ್, ಸರ್ವೋತ್ತಮ ಗೌಡ, ಬಾಲಕೃಷ್ಣ ಬಾಣಜಾಲ್, ಸತೀಶ್ ಕೆಎಸ್ ದುರ್ಗಾರ್ಶಿ, ರೆ.ಫಾ. ವರ್ಗೀಸ್ ಕೈಪನಡ್ಕ, ರಫೀಕ್ ಸೀಗಲ್, ಎನ್ ಎಸ್ ಕಾದರ್, ರೆ.ಫಾ. ಶಾಜಿ ಮ್ಯಾಥ್ಯೂ, ಇಸಾಕ್ ಕೆ, ಶಾಜಿ ವರ್ಗೀಸ್, ರವಿಚಂದ್ರ ಪಡುಬೆಟ್ಟು, ಶಿಬು ವರ್ಗೀಸ್, ಇಕ್ಬಾಲ್ ನೆಲ್ಯಾಡಿ, ಸತೀಶ್ ಮಕ್ಕಿಗದ್ದೆ ಭಾಗವಹಿಸಲಿದ್ದಾರೆ ಎಂದು ಲೆಜೆಂಡ್ಸ್ ಟ್ರೋಫಿ ನೆಲ್ಯಾಡಿ-ಕೌಕ್ರಾಡಿ ಇದರ ಪ್ರಧಾನ ಕಾರ್ಯದರ್ಶಿ ಸಮೀರುದ್ದೀನ್ ಪಡುಬೆಟ್ಟು ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.