ಮಂಗಳೂರು: ವಿವಿ ಕುಲಸಚಿವರಾಗಿ ರಾಜು ಕೆ. ನಿಯೋಜನೆ

ಮಂಗಳೂರು: ವಿಶ್ವವಿದ್ಯಾನಿಲಯದ ಆಡಳಿತ ವಿಭಾಗದ ೧೮ನೇ ಕುಲಸಚಿವರಾಗಿ ಕೆ.ಎ.ಎಸ್ ಕಿರಿಯ ಶ್ರೇಣಿ ಅಧಿಕಾರಿ ರಾಜು ಕೆ. ಅವರನ್ನು ಸರಕಾರರ ಪ್ರಭಾರ ನೆಲೆಯಲ್ಲಿ ನಿಯೋಜಿಸಿ ಆದೇಶ ಹೊರಡಿಸಿದೆ.

ಕೆ.ಐ.ಎ.ಡಿ.ಬಿ ವಿಶೇಷ ಭೂಸ್ವಾಧೀನಾಧಿಕಾರಿಯಾಗಿ ಕರ್ತವ್ಯ ನಿರ್ವಹಿಸುತ್ತಿರುವ ಇವರು ಆಡಳಿತಾತ್ಮಕ ಹಿತದೃಷ್ಟಿಯಿಂದ ವಿವಿ ಆಡಳಿತ ವಿಭಾಗದ ಹುದ್ದೆಯನ್ನೂ ಪ್ರಭಾರ ನೆಲೆಯಲ್ಲಿ ನಿಭಾಯಿಸಲಿರುವರು. ಈ ಹಿಂದೆ ಮಂಗಳೂರು ವಿವಿ ಆಡಳಿತ ವಿಭಾಗದ 17 ನೇ ಕುಲಸಚಿವರಾಗಿ ಕೆಎಎಸ್ ಹಿರಿಯ ಶ್ರೇಣಿ ಅಧಿಕಾರಿ ಮೊಹಮ್ಮದ್ ನಯೀಮ್ ಮೊಮಿನ್ ಅಧಿಕಾರ ವಹಿಸಿಕೊಂಡ ಬೆನ್ನಲ್ಲೇ ಅವರನ್ನು ಬೃಹತ್ ಬೆಂಗಳೂರು ಮಹಾನಗರ ಪಾಲಿಕೆಯ ಯಲಹಂಕ ವಲಯದ ಜಂಟಿ ಆಯುಕ್ತರಾಗಿ ನಿಯೋಜಿಸಿ ವರ್ಗಾಯಿಸಲಾಗಿತ್ತು. ನಂತರ ಖಾಲಿ ಉಳಿದ ಕುಲಸಚಿವ ಹುದ್ದೆಯನ್ನು ಪರಿಕ್ಷಾಂಗ ಕುಲಸಚಿವ ಡಾ. ರಾಜು ಕೃಷ್ಣ ಚೆನ್ನನ್ನವರ್ ಪ್ರಭಾರ ನೆಲೆಯಲ್ಲಿ ವಹಿಸಿಕೊಂಡಿದ್ದರು.