ಕೆಪಿಟಿಸಿಎಲ್ ಕನ್ನಡ ಸಂಘ : ರಾಜ್ಯೋತ್ಸವ, ಸಾಧಕರಿಗೆ ಗೌರವ ಸಮಾರಂಭ

ಬೆಂಗಳೂರು : ಕರ್ನಾಟಕ ವಿದ್ಯುತ್ ಪ್ರಸರಣ ನಿಗಮ ನಿಯಮಿತ ಕನ್ನಡ ಸಂಘವು ಇತ್ತೀಚಿಗೆ “ಕರ್ನಾಟಕ ಸಂಭ್ರಮ-50”ರ ಪ್ರಯುಕ್ತ ಕೆಪಿಟಿಸಿಎಲ್ ನಿಗಮ ಕಚೇರಿಯ ಸಭಾಂಗಭಣದಲ್ಲಿ ʼಕನ್ನಡ ರಾಜ್ಯೋತ್ಸವ ಹಾಗೂ ವಿವಿಧ ಸಾಂಸ್ಕೃತಿಕ ಕಾರ್ಯಕ್ರಮ ಮತ್ತು ನಾಡಿನ ಗಣ್ಯರ ಹಾಗೂ ನಿಗಮ - ಕಂಪನಿಗಳ ಆಯ್ದ ಸಾಧಕರಿಗೆ ಗೌರವ ಸಮಾರಂಭʼ ಆಯೋಜಿಸಿತ್ತು.

ಸಮಾರಂಭವನ್ನು ಕನ್ನಡ ಸಂಘದ ಅಧ್ಯಕ್ಷರು ಹಾಗೂ ಪ್ರಸರಣ ವಿಭಾಗದ ನಿರ್ದೇಶಕರಾದ ಆರ್.ಜಯಕುಮಾರ್ ಉದ್ಘಾಟಿಸಿದರು. ಸಮಾರಂಭದಲ್ಲಿ ಪಿಸಿಕೆಎಲ್ ವ್ಯವಸ್ಥಾಪಕ ನಿರ್ದೇಶಕ ಕೃಷ್ಣಪ್ಪ.ವಿ, ಹಣಕಾಸು ವಿಭಾಗದ ನಿರ್ದೇಶಕ ಬಿ. ಕಪ್ಪೂರ ಲಿಂಗಯ್ಯ, ಕಂಪನಿ ಕಾರ್ಯದರ್ಶಿ ರಮ್ಯ ಕಣ್ಣನ್, ಸಂಘದ ರಾಜ್ಯ ಕಾರ್ಯದರ್ಶಿ ಡಾ.ಎ.ಆರ್. ಗೋವಿಂದಸ್ವಾಮಿ, ಕವಿಪ್ರನಿನಿ ನೌಕರರ ಸಂಘದ ಇಂಜಿನಿಯರುಗಳ ಸಂಘದ ಅಧ್ಯಕ್ಷರಾದ ಆರ್.ಹೆಚ್ ಲಕ್ಷ್ಮಿಪತಿ, ಕೆ.ಶಿವಣ್ಣ, ಲೆಕ್ಕಾಧಿಕಾರಿಗಳ ಸಂಘದ ಅಧ್ಯಕ್ಷ ಎಸ್.ಎಸ್ ನಟರಾಜು, ಪ.ಜಾ/ಪ.ಪಂ ಗಳ ಕಲ್ಯಾಣ ಸಂಸ್ಥೆಯ ಅಧ್ಯಕ್ಷ ಮೋಹನ್ ಕುಮಾರ್, ಡಿಪ್ಲೋಮ ಇಂಜಿನಿಯರುಗಳ ಸಂಘದ ಅಧ್ಯಕ್ಷ ಮನೋಜ್‍ಕುಮಾರ್ ಸೇರಿದಂತೆ ಸಂಘ ಸಂಸ್ಥೆಗಳ ಪದಾಧಿಕಾರಿಗಳು, ಹಿರಿಯ ಅಧಿಕಾರಿಗಳು ಸಮಾರಂಭದಲ್ಲಿ ಉಪಸ್ಥಿತರಿದ್ದರು.

ವೇದಿಕೆಯಲ್ಲಿ ಆಕರ ವಿಜ್ಞಾನಿ, ಸಾಹಿತಿ, ಪುಸ್ತಕಮನೆ ಹರಿಹರ ಪ್ರಿಯ ಅವರನ್ನು ಗೌರವಿಸಲಾಯಿತು. ಕವಿಪ್ರನಿನಿಯ ಕನ್ನಡ ಘಟಕದ ಸಮನ್ವಯಕರಾದ ಡಾ.ಎ.ಆರ್ ಗೋವಿಂದಸ್ವಾಮಿ, ಸಹಾಯಕ ಕಾರ್ಯ ನಿರ್ವಾಹಕ ಇಂಜಿನಿಯರ್ ಕುಮುದ ಬಿ ಸುಶೀಲಪ್ಪ, ಅಂತರರಾಷ್ಟ್ರೀಯ ಟೇಬಲ್ ಟೆನಿಸ್ ಕ್ರೀಡಾಪಟು ಸಂಜೀವ ಜಿ ಹಮ್ಮಣ್ಣವರ್ ಮತ್ತು ವಿವಿಧ ಸ್ಪರ್ಧೆಗಳ ವಿಜೇತರನ್ನು, ಕ್ರೀಡಾಪಟುಗಳನ್ನು ಗೌರವಿಸಲಾಯಿತು.

ಇದೇ ಸಂಧರ್ಭದಲ್ಲಿ ರಂಗತಜ್ಞ ಡಾ. ಎ.ಆರ್ ಗೋವಿಂದಸ್ವಾಮಿ ನಿರ್ದೇಶನದಲ್ಲಿ ಶ್ರೀಕೃಷ್ಣ ಸಂಧಾನ ನಾಟಕವನ್ನು ಕನ್ನಡ ಸಂಘದ ಕಲಾವಿದರು ಅಭಿನಯಿಸಿದರು.