ಸುಳ್ಯದ ಇವಾ ಫಾತಿಮಾ ಬಶೀರ್ ಗೆ ಇಂಡಿಯಾ ಬುಕ್ ಆಫ್ ರೆಕಾರ್ಡ್ ಪ್ರಶಸ್ತಿ

ಸುಳ್ಯ: ವಿಶೇಷ ದಾಖಲೆಯ ಸಾಧನೆಗಾಗಿ ನೀಡಲಾಗುವ ಪ್ರತಿಷ್ಠಿತ ಇಂಡಿಯಾ ಬುಕ್ ಆಫ್ ರೆಕಾರ್ಡ್ ಪ್ರಶಸ್ತಿಯನ್ನು ಸುಳ್ಯದ ಇವಾ ಫಾತಿಮಾ ಬಶೀರ್ ಪಡೆದಿದ್ದಾಳೆ. 2025 ಮಾ. 29 ರಂದು ಹರಿಯಾಣದ ಫರೀದಾಬಾದಿನಲ್ಲಿರುವ ಇಂಡಿಯಾ ಬುಕ್ ಆಫ್ ರೆಕಾರ್ಡ್ ಕೇಂದ್ರದಲ್ಲಿ ಈ ಪ್ರಶಸ್ತಿಯನ್ನು ಸ್ವೀಕರಿಸಿದಳು.

9 ವರ್ಷ ಪ್ರಾಯದ ಇವಾ ಫಾತಿಮಾ  4 ಗಂಟೆ, 31 ನಿಮಿಷ ಮತ್ತು 38 ಸೆಕೆಂಡುಗಳ ಅವಧಿಯಲ್ಲಿ 6 ಇಂಗ್ಲಿಷ್ ಕಥಾ ಪುಸ್ತಕಗಳನ್ನು ನಿರಂತರವಾಗಿ ಓದಿ ದಾಖಲೆ ನಿರ್ಮಿಸಿದ್ದಕ್ಕಾಗಿ "IBR achiever" ಪಟ್ಟಿಯನ್ನು ಸೇರಿದ್ದಾಳೆ. 

ಯುಎಇ ಶಾರ್ಜಾದಲ್ಲಿರುವ ಜೆಮ್ಸ್ ಮಿಲೇನಿಯಂ ಸ್ಕೂಲ್ ನ ಮೂರನೇ ತರಗತಿ ವಿದ್ಯಾರ್ಥಿನಿಯಾಗಿರುವ ಇವಾ ಫಾತಿಮಾ ಪಠ್ಯ ಮತ್ತು ಪಠ್ಯೇತರ ಚಟುವಟಿಕೆಗಳಲ್ಲಿ ಮಾಡಿದ ಸಾಧನೆಗಾಗಿ ಹಲವು ಪುರಸ್ಕಾರಗಳನ್ನು ಪಡೆದಿದ್ದಾಳೆ.

ಇವಾ ಫಾತಿಮಾ ಪ್ರಸ್ತುತ ಶಾರ್ಜಾದಲ್ಲಿ ನೆಲೆಸಿರುವ ದಕ್ಷಿಣ ಕನ್ನಡ ಜಿಲ್ಲೆಯ ಸುಳ್ಯದ ಬಶೀರ್ ಅರಂಬೂರು ಮತ್ತು ಹಸೀನಾ ದಂಪತಿಯ ಪುತ್ರಿ.