ರಾಯಚೂರು | ಅಬಕಾರಿ ದಾಳಿ: 450 ಲೀಟರ್ ಕಲಬೆರಕೆ ಸೇಂದಿ ಜಪ್ತಿ

ರಾಯಚೂರು: ನಗರದ ಗದ್ವಾಲ್ ರಸ್ತೆಯ ಮಡ್ಡಿಪೇಟೆಯಲ್ಲಿ ಅಬಕಾರಿ ಇಲಾಖೆಯ ಅಧಿಕಾರಿಗಳು ದಾಳಿ ನಡೆಸಿ 450 ಲೀಟರ್ ಕಲಬೆರಕೆ ಸೇಂದಿ ಹಾಗೂ 500 ಗ್ರಾಂ ಸಿಎಚ್ ಪೌಡರ್ ಜಪ್ತಿ ಮಾಡಿಕೊಂಡಿದ್ದಾರೆ.

ಖಚಿತ ಮಾಹಿತಿ ಮೇರೆಗೆ ದಾಳಿ ಮಾಡಿದ ಅಧಿಕಾರಿಗಳು ಮಡ್ಡಿಪೇಟೆಯ ಕೊರವರ ಓಣಿಯ ಗಜ್ಜಿ ವೀರೇಶ ಎಂಬವರ ಮನೆಯಲ್ಲಿ ಅಕ್ರಮ ಮಧ್ಯವನ್ನು ವಶಪಡಿಸಿಕೊಂಡಿದ್ದಾರೆ.

ಅಬಕಾರಿ ಸುಪರಿಂಟೆಂಡೆಂಟ್ ಸಂಜಯ ಕುಮಾರ, ಇನ್ ಸ್ಪೆಕ್ಟರ್ ಹನುಮಂತಯ್ಯ ಗುತ್ತೇದಾರ, ಸಬ್ ಇನ್ ಸ್ಪೆಕ್ಟರ್ ಮಾರುತಿ ಅಮೃತ, ಇನ್ ಸ್ಪೆಕ್ಟರ್ ಬಿ.ಕವಿತಾ ತಂಡದ ನೇತೃತ್ವದಲ್ಲಿ ಕಾರ್ಯಚರಣೆ ನಡೆಸಲಾಗಿದೆ.