ಗಾಝಾ ನರಮೇಧದಲ್ಲಿ ಮೈಕ್ರೋಸಾಫ್ಟ್ ಭಾಗಿ: ಕಂಪೆನಿಯ ಉದ್ಯೋಗಿ ವಾನಿಯ ಅಗರ್ವಾಲ್ ಆರೋಪ

ಫೆಲೆಸ್ತೀನ್ ನಲ್ಲಿ ನರಮೇಧ ನಡೆಸುತ್ತಿರುವ ಇಸ್ರೇಲ್ ಸೈನ್ಯಕ್ಕೆ ಎಐ ತಂತ್ರಜ್ಞಾನ ಸೇವೆ ನೀಡುತ್ತಿರುವ ಮೈಕ್ರೋಸಾಫ್ಟ್ ನ ನೀತಿಯನ್ನು ಖಂಡಿಸಿ ಕಂಪೆನಿಯ ಐವತ್ತನೇ ವಾರ್ಷಿಕೋತ್ಸವ ಕಾರ್ಯಕ್ರಮದಲ್ಲಿ ಸಿಇಒ ಸಹಿತ ಎಲ್ಲ ಪ್ರಮುಖರೆದುರೇ ಪ್ರತಿಭಟನೆ ಮಾಡಿ ಜಗತ್ತಿನ ಗಮನ ಸೆಳೆದಿದ್ದ ಭಾರತೀಯ ಅಮೇರಿಕನ್ ಇಂಜಿನಿಯರ್ ವಾಣಿಯ ಅಗರ್ವಾಲ್ ತಾನು ಆ ಬಳಿಕ ಕಂಪೆನಿಗೆ ಬರೆದ ರಾಜೀನಾಮೆ ಪತ್ರವನ್ನು ಬಹಿರಂಗಪಡಿಸಿದ್ದಾರೆ.

ಎಪ್ರಿಲ್ ನಾಲ್ಕರಂದು ನಡೆದ ಆ ಘಟನೆಯಲ್ಲಿ ಮೈಕ್ರೋಸಾಫ್ಟ್ ನ ಮೂವರು ಸಿಇಒ ಗಳಾದ ಸತ್ಯ ನಾದೆಲ್ಲಾ, ಬಿಲ್ ಗೇಟ್ಸ್ ಹಾಗು ಸ್ಟೀವ್ ಬಾಲ್ಮರ್ ಜೊತೆ ಕಂಪೆನಿಯ ಎಐ ವಿಭಾಗದ ಮುಖ್ಯಸ್ಥ ಮುಸ್ತಫಾ ಸುಲೇಮಾನ್ ಅವರೆದುರೇ ವಾಣಿಯ ಹಾಗು ಇನ್ನೋರ್ವ ಇಂಜಿನಿಯರ್ ಇಬ್ತಿಹಾಲ್ ಅಬೂಸಾದ್ ಅವರು ಪ್ರತಿಭಟನೆ ನಡೆಸಿದ್ದರು. ಕಾರ್ಯಕ್ರಮ ನಡೆಯುತ್ತಿದ್ದಂತೆ ದಿಢೀರನೇ ಈ ಇಬ್ಬರು ಎದ್ದು ನಿಂತು ಬೊಬ್ಬೆ ಹಾಕಿ ಇಸ್ರೇಲ್ ಸೇನೆಗೆ ಸಹಕಾರ ನೀಡುವ ಮೈಕ್ರೋಸಾಫ್ಟ್ ನ ನೀತಿಯನ್ನು ಖಂಡಿಸಿದ್ದರು. "50,000 ಫೆಲೆಸ್ತೀನಿಯರು ಗಾಝಾದಲ್ಲಿ ಬಲಿಯಾಗಲು ಮೈಕ್ರೋಸಾಫ್ಟ್ ನ ತಂತ್ರಜ್ಞಾನ ಬಳಕೆಯಾಗಿದೆ. ನಿಮಗೆಷ್ಟು ಧೈರ್ಯ? ಈಗ ಆ ಅಮಾಯಕರ ರಕ್ತದ ಮೇಲೆ ಈ ಸಂಭ್ರಮಾಚರಣೆ ಮಾಡುತ್ತಿರುವ ನಿಮಗೆ ನಾಚಿಕೆಯಾಗೋದಿಲ್ವಾ?”, ಎಂದು ವಾಣಿಯ ಅಗರ್ವಾಲ್ ಬೊಬ್ಬೆ ಹಾಕಿದ್ದರು. ಆ ಬಳಿಕ ಅವರನ್ನು ಸುರಕ್ಷತಾ ಅಧಿಕಾರಿಗಳು ಹೊರಗೆ ಎಳೆದುಕೊಂಡು ಹೋದರು.

ವಾಣಿಯ ಹಾಗು ಇಬ್ತಿಹಾಲ್ - ಇಬ್ಬರನ್ನೂ ಮೈಕ್ರೋಸಾಫ್ಟ್ ಕಂಪೆನಿಯ ಉದ್ಯೋಗದಿಂದ ತೆಗೆದುಹಾಕಿದೆ. ಅವರ ನೋಟಿಸ್ ಅವಧಿಯನ್ನೂ ಪೂರ್ಣಗೊಳಿಸಲು ಬಿಡಲಿಲ್ಲ. ಈಗ ಸಿಇಒ ಸತ್ಯ ನಾದೆಲ್ಲಾ ಹಾಗು ಎಲ್ಲ ಉದ್ಯೋಗಿಗಳಿಗೆ ಬರೆದಿರುವ ಇಮೇಲ್ ನಲ್ಲಿ ವಾಣಿಯ ಅಗರ್ವಾಲ್ ಅವರು "ಮೈಕ್ರೋಸಾಫ್ಟ್ ಜನರ ಮೇಲೆ ನಿಗಾ ಇಡುವ, ಅಸ್ಪ್ರಶ್ಯತೆ ಆಚರಿಸುವ ಹಾಗು ನರಮೇಧ ನಡೆಸುವ ಡಿಜಿಟಲ್ ಆಯುಧ ಉತ್ಪಾದಕ ಕಂಪೆನಿ ಎಂಬ ಗಂಭೀರ ಆರೋಪ ಮಾಡಿದ್ದು ಕಂಪೆನಿಯ ಎಲ್ಲ ಉದ್ಯೋಗಿಗಳು "ಅಸ್ಪ್ರಶ್ಯತೆಗೆ ನಮ್ಮ ತಂತ್ರಜ್ಞಾನ ಬೇಡ", ಎಂಬ ಮನವಿಗೆ ಸಹಿ ಹಾಕಲು ಆಗ್ರಹಿಸಿದ್ದಾರೆ.

►ವಾಣಿಯ ಅವರ ಇಮೇಲ್ ನ ಪೂರ್ಣ ಪಾಠ ಇಲ್ಲಿದೆ :

"ನಾವು ಹತ್ಯಾಕಾಂಡ ನಡೆಸುವ ಕೋಡ್ ಅನ್ನು ಬರೆಯುವುದಿಲ್ಲ"

ಮೈಕ್ರೋಸಾಫ್ಟ್ ಎಂಜಿನಿಯರ್ ವನಿಯಾ ಅಗರ್ವಾಲ್ ಅವರಿಂದ:

"ನಾನು ಮೈಕ್ರೋಸಾಫ್ಟ್ ಅನ್ನು ಏಕೆ ಬಿಡುತ್ತಿದ್ದೇನೆ - ನಮ್ಮ ನೈತಿಕ ಜವಾಬ್ದಾರಿ" ಎಂಬ ಪತ್ರ.

ಎಲ್ಲರಿಗೂ ನಮಸ್ಕಾರ,

ನನ್ನ ಹೆಸರು ವಾನಿಯಾ, ಮತ್ತು ಈ ಕಂಪನಿಯಲ್ಲಿ ಸಾಫ್ಟ್‌ವೇರ್ ಎಂಜಿನಿಯರ್ ಆಗಿ ಒಂದೂವರೆ ವರ್ಷಗಳ ಸೇವೆಯ ನಂತರ, ನಾನು ಮೈಕ್ರೋಸಾಫ್ಟ್ ಗೆ ವಿದಾಯ ಘೋಷಿಸಲು ನಿರ್ಧರಿಸಿದ್ದೇನೆ. ಕಂಪೆನಿಯಲ್ಲಿ ನನ್ನ ಕೊನೆಯ ದಿನ ಮುಂದಿನ ಶುಕ್ರವಾರ, ಏಪ್ರಿಲ್ 11 ಆಗಿದೆ.

ಮೈಕ್ರೋಸಾಫ್ಟ್ 50ನೇ ವಾರ್ಷಿಕೋತ್ಸವದಲ್ಲಿ ಸತ್ಯ (ನಾದೆಲ್ಲಾ) ಅವರನ್ನು ಖಂಡಿಸಿ ಪ್ರತಿಭಟಿಸಲು ನಾನು ಎದ್ದು ನಿಂತಿದ್ದನ್ನು ನೀವು ನೋಡಿರಬಹುದು. ನಾನು ಕಂಪನಿಯನ್ನು ತೊರೆಯಲು ಏಕೆ ನಿರ್ಧರಿಸಿದೆ ಮತ್ತು ನಾನು ಅಲ್ಲಿ ಏಕೆ ಮಾತನಾಡಿದ್ದೇನೆ ಎಂಬುವುದು ಇಲ್ಲಿದೆ.

ನಾವು ನರಮೇಧಕ್ಕೆ ಸಾಕ್ಷಿಯಾಗಿದ್ದೇವೆ:

ಒಂದೂವರೆ ವರ್ಷದ ಹಿಂದೆ ನಾನು ಮೈಕ್ರೋಸಾಫ್ಟ್ ಸೇರಿಕೊಂಡೆ; 1948ರಲ್ಲಿ ಪ್ರಾರಂಭವಾದ ಇಸ್ರೇಲ್ ನಿಂದ ಫೆಲೆಸ್ತೀನಿಯರ ನರಮೇಧವನ್ನು ನಾನು ಆಗಲೇ ನೋಡಲು ಪ್ರಾರಂಭಿಸಿದೆ.

ಇಸ್ರೇಲ್ ನಿಂದ ವ್ಯಾಪಕ ಸಾಮೂಹಿಕ ಮಾನವ ಹಕ್ಕುಗಳ ಉಲ್ಲಂಘನೆಗಳ ನಡುವೆ ಹೇಳಲಾಗದ ದುಃಖವನ್ನು ನಾನು ನೋಡಿದ್ದೇನೆ - ಆಸ್ಪತ್ರೆಗಳು ಮತ್ತು ಶಾಲೆಗಳನ್ನು ಗುರಿಯಾಗಿಸಿ ಕಾರ್ಪೆಟ್ ಬಾಂಬ್ ಸ್ಫೋಟಗಳು ನಡೆದಿವೆ ; ಇವುಗಳನ್ನು ನಿರಂತರವಾಗಿ ವಿಶ್ವಸಂಸ್ಥೆ, ಅಂತರರಾಷ್ಟ್ರೀಯ ಕ್ರಿಮಿನಲ್ ಕೋರ್ಟ್ ICC ಮತ್ತು ಇಂಟರ್ ನ್ಯಾಷನಲ್ ಕೋರ್ಟ್ ಆಫ್ ಜಸ್ಟಿಸ್ ICJ ಸಹಿತ ಪ್ರಮುಖ ಮಾನವ ಹಕ್ಕು ಸಂಘಟನೆಗಳು ಖಂಡಿಸಿವೆ. ನಾನು ಇದನ್ನು ಬರೆಯುವಾಗ, ಇಸ್ರೇಲ್ ಕದನ ವಿರಾಮವನ್ನು ಉಲ್ಲಂಘಿಸಿ ಗಾಝಾದಲ್ಲಿ ತನ್ನ ಪೂರ್ಣ ಪ್ರಮಾಣದ ನರಮೇಧವನ್ನು ಪುನರಾರಂಭಿಸಿದೆ.

ಕೆಲವೇ ದಿನಗಳ ಹಿಂದೆ, ಇಸ್ರೇಲ್ ಗಾಝಾದಲ್ಲಿ ಹದಿನೈದು ವೈದ್ಯಕೀಯ ಮತ್ತು ರಕ್ಷಣಾ ಸಿಬ್ಬಂದಿಯನ್ನು ಹತ್ಯೆಗಯ್ಯಿತು; ಅವರನ್ನು ಮರಳಿನಲ್ಲಿ ಹೂತುಹಾಕುವ ಮೊದಲು ಅವರನ್ನು "ಒಬ್ಬಬ್ಬರಾಗಿ" ಕೊಂದು ಹಾಕಿತು. ಇದೊಂದು ಭಯಾನಕ ಯುದ್ಧಾಪರಾಧ ಆಗಿದೆ. ಈ ಮಧ್ಯೆ, ನಮ್ಮ ಶ್ರಮವು ಈ ನರಮೇಧಕ್ಕೆ ಸಹಕಾರ ನೀಡುತ್ತಿದೆ; ಆತ್ಮಸಾಕ್ಷಿ ಇರುವವಳಾಗಿ, ಈ ಹಿಂಸಾತ್ಮಕ ಅನ್ಯಾಯದಲ್ಲಿ ಭಾಗವಹಿಸುವ ಕಂಪನಿಯ ಭಾಗವಾಗಿರಲು ನನಗೆ ಸಾಧ್ಯವಿಲ್ಲ.

ನಾವೂ ಸಹಕರಿಸುತ್ತಿದ್ದೇವೆ:

ಹೆಚ್ಚಿನವರಂತೆ, ನಾನು ಮೈಕ್ರೋಸಾಫ್ಟ್ ನ "ಪ್ರತಿಯೊಬ್ಬ ವ್ಯಕ್ತಿ ಮತ್ತು ಭೂಮಿಯ ಮೇಲಿನ ಪ್ರತಿಯೊಂದು ಸಂಸ್ಥೆಯನ್ನು ಹೆಚ್ಚು ಸಾಧಿಸಲು ಅಧಿಕಾರ ನೀಡುವ" ಧ್ಯೇಯವನ್ನು ನಂಬಿದ್ದೇನೆ. ನಾನು ಅದರ “ಮಾನವ ಹಕ್ಕುಗಳನ್ನು ಗೌರವಿಸುವ ಮತ್ತು ಉತ್ತೇಜಿಸುವ ಬದ್ಧತೆಯನ್ನು” ನಂಬಿದ್ದೆ. ಮೈಕ್ರೋಸಾಫ್ಟ್ ಅನ್ನು ಲೋಕೋಪಕಾರಕ್ಕೆ ಸಮರ್ಪಿಸಲಾಗಿದೆ ಮತ್ತು ವಿಶ್ವದಾದ್ಯಂತ ಮೂಲಭೂತ ಹಕ್ಕುಗಳನ್ನು ಉತ್ತೇಜಿಸುತ್ತದೆ ಎಂದು ನಾನು ನಂಬಿದ್ದೆ.

ಆದರೆ, ಕಳೆದ ಒಂದೂವರೆ ವರ್ಷಗಳಲ್ಲಿ, ಮಿಲಿಟರಿ ಕೈಗಾರಿಕಾ ಸಂಕೀರ್ಣದಲ್ಲಿ ಮೈಕ್ರೋಸಾಫ್ಟ್ ನ ಬೆಳೆಯುತ್ತಿರುವ ಪಾತ್ರದ ಕುರಿತು ನಾನು ಹೆಚ್ಚು ಜಾಗೃತಳಾಗಿದ್ದೇನೆ. ಅಸೋಸಿಯೇಟೆಡ್ ಪ್ರೆಸ್ ನ ಇತ್ತೀಚಿನ ವರದಿ ಇಸ್ರೇಲ್ ನ ವರ್ಣಭೇದ ನೀತಿಯನ್ನು ಮತ್ತು ಗಾಝಾದ ಫೆಲೆಸ್ತೀನಿಯರ ನರಮೇಧವನ್ನು ಜಾರಿಗೊಳಿಸುವಲ್ಲಿ ಮೈಕ್ರೋಸಾಫ್ಟ್ ನ ನಿರ್ಣಾಯಕ ಪಾತ್ರವನ್ನು ಬಹಿರಂಗಪಡಿಸಿವೆ. ಲೇಖನವು "ಮೈಕ್ರೋಸಾಫ್ಟ್ ಮತ್ತು ಇಸ್ರೇಲ್ ನ ರಕ್ಷಣಾ ಸಚಿವಾಲಯದ ನಡುವಿನ 133 ಮಿಲಿಯನ್ ಡಾಲರಿನ ಒಪ್ಪಂದ" ಎಂದು ವಿವರಿಸುತ್ತದೆ; ಮೈಕ್ರೋಸಾಫ್ಟ್ ಅಝುರೇ ಮತ್ತು ಎಐ ತಂತ್ರಜ್ಞಾನ ಇಸ್ರೇಲ್ ನ ಸಾಮೂಹಿಕ ರಾಜ್ಯ ಕಣ್ಗಾವಲುಗಳನ್ನು ಹೇಗೆ ನಡೆಸುತ್ತಿದೆ ಮತ್ತು ಫೆಲೆಸ್ತೀನಿ ಜನರ ನಡುವೆ ಟಾರ್ಗೆಟೆಡ್ ಬಾಂಬ್ ಸ್ಫೋಟಕ್ಕೆ ಹೇಗೆ ಕಾರಣವಾಗುತ್ತದೆ ಎಂಬುದನ್ನು ಎತ್ತಿ ತೋರಿಸುತ್ತದೆ. ಇದಲ್ಲದೆ, ಮೈಕ್ರೋಸಾಫ್ಟ್ ಎಐ ಮೂಲಕ ಇಸ್ರೇಲ್ ಸೇನೆಯ “ಟಾರ್ಗೆಟ್ ಬ್ಯಾಂಕ್” ಮತ್ತು ಫೆಲೆಸ್ತೀನಿ ಜನಸಂಖ್ಯಾ ನೋಂದಾವಣೆ ಸೇರಿದಂತೆ "ಸೂಕ್ಷ್ಮ ಮತ್ತು ಹೆಚ್ಚು ವರ್ಗೀಕೃತ ಯೋಜನೆಗಳಿಗೆ" ಹೇಗೆ ಸಹಕಾರ ನೀಡುತ್ತದೆ ಎಂಬುದನ್ನು ಬಹಿರಂಗಪಡಿಸಿದೆ.

ಮೈಕ್ರೋಸಾಫ್ಟ್ ಕ್ಲೌಡ್ ಮತ್ತು ಎಐ ತಂತ್ರಜ್ಞಾನ ಇಸ್ರೇಲಿ ಮಿಲಿಟರಿಯನ್ನು ಗಾಝಾದಲ್ಲಿ ಹೆಚ್ಚು ಮಾರಕ ಮತ್ತು ವಿನಾಶಕಾರಿಯಾಗಿರಲು ಅನುವು ಮಾಡಿಕೊಡುತ್ತಿದೆ. ಮೈಕ್ರೋಸಾಫ್ಟ್ ನ ಅಝುರೇ ಕ್ಲೌಡ್ ತಂತ್ರಜ್ಞಾನ ಮತ್ತು ಎಐ ಬೆಳವಣಿಗೆಗಳು ಇಸ್ರೇಲ್ ನ ವರ್ಣಭೇದ ಮತ್ತು ನರಮೇಧ ವ್ಯವಸ್ಥೆಗಳಿಗೆ ತಾಂತ್ರಿಕ ಬೆನ್ನೆಲುಬಾಗಿ ರೂಪುಗೊಳ್ಳುತ್ತಿವೆ ಎಂಬುದು ನಿರ್ವಿವಾದ. ಮೈಕ್ರೋಸಾಫ್ಟ್ ಇಸ್ರೇಲಿ ಮಿಲಿಟರಿ ಜೊತೆ ತುಂಬಾ ಆಳ ಸಂಪರ್ಕ ಹೊಂದಿದೆ. ಇದು ನಿನ್ನೆ ಬಹಿಷ್ಕಾರ ಅಭಿಯಾನದ ಆದ್ಯತೆಯ ಬಹಿಷ್ಕಾರ ಗುರಿಗಳಲ್ಲಿ ಒಂದಾಗಿ ಗುರುತಿಸಲ್ಪಟ್ಟಿದೆ.

ಇದೆಲ್ಲವೂ ನಮ್ಮ ತಂತ್ರಜ್ಞಾನದೊಂದಿಗೆ ನಾವು ಯಾವ “ಜನರನ್ನು” ಸಬಲೀಕರಣಗೊಳ್ಳುತ್ತಿದ್ದೇವೆ ಎಂಬ ಪ್ರಶ್ನೆಯನ್ನು ಕೇಳುತ್ತಿದೆ. ವರ್ಣಭೇದ ನೀತಿಯನ್ನು ಜಾರಿಗೊಳಿಸುವ ದೌರ್ಜನ್ಯ ಎಸಗುವವರಿಗೆ ನಾವು ಸಹಕಾರ ನೀಡುತ್ತಿದ್ದೇವೆಯೇ? ನರಮೇಧ ಮಾಡುವ ಯುದ್ಧ ಅಪರಾಧಿಗಳಿಗೆ ಸಹಕಾರ ನೀಡುತ್ತಿದ್ದೇವೆಯೇ? ದುರದೃಷ್ಟವಶಾತ್, ಈ ಸಹೊತ್ತು, ಈ ನರಮೇಧದಲ್ಲಿ ಮೈಕ್ರೋಸಾಫ್ಟ್ ಸಹಕಾರಿಯಾಗಿದೆ ಎಂಬುದನ್ನು ನಿರಾಕರಿಸಲಾಗದು - ಮೈಕ್ರೋಸಾಫ್ಟ್ ಡಿಜಿಟಲ್ ಶಸ್ತ್ರಾಸ್ತ್ರ ತಯಾರಕರಾಗಿದ್ದು, ಅದು ಕಣ್ಗಾವಲು, ವರ್ಣಭೇದ ಮತ್ತು ನರಮೇಧಕ್ಕೆ ಸಹಕಾರವನ್ನು ನೀಡುತ್ತಿದೆ. ಈ ಕಂಪನಿಯಲ್ಲಿ ಕೆಲಸ ಮಾಡುವ ಮೂಲಕ, ನಾವೆಲ್ಲರೂ ನರಮೇಧಕ್ಕೆ ಸಹಕರಿಸುತ್ತಿದ್ದೇವೆ. ನಾವು ನೇರವಾಗಿ AI ಅಥವಾ ಅಝುರ್‌ ನಲ್ಲಿ ಕೆಲಸ ಮಾಡದಿದ್ದರೂ, ನಮ್ಮ ಶ್ರಮವು ಅದಕ್ಕೆ ಬೆಂಬಲವಾಗಿದೆ. ನಮ್ಮ ಕಾರ್ಪೊರೇಟ್ ಬೆಳವಣಿಗೆ ಆ ನರಮೇಧವನ್ನು ಇನ್ನಷ್ಟು ಬಲಗೊಳಿಸುತ್ತಿದೆ. ಇದಕ್ಕಾಗಿಯೇ, ನಾನು ರಾಜೀನಾಮೆಯನ್ನು ಹಸ್ತಾಂತರಿಸುವ ಮುನ್ನ, ಮೈಕ್ರೋಸಾಫ್ಟ್ ನರಮೇಧದೊಂದಿಗೆ ಸಂಬಂಧಗಳನ್ನು ಕಡಿತಗೊಳಿಸುವಂತೆ ಒತ್ತಾಯಿಸಲು ನಾನು ಈ ಪ್ರಮುಖ ಅರ್ಜಿಗೆ ಸಹಿ ಹಾಕಿದ್ದೇನೆ. ನಿಮ್ಮೆಲ್ಲರನ್ನೂ ಅದೇ ರೀತಿ ಮಾಡಬೇಕೆಂದು ನಾನು ಒತ್ತಾಯಿಸುತ್ತೇನೆ.

ಕ್ರಮಕ್ಕೆ ಕರೆ:

ಸಮಯ ಬದಲಾದಂತೆ, ಇತಿಹಾಸದ ತಪ್ಪು ಬದಿಯಲ್ಲಿರುವ ಕಂಪನಿಗೆ ನನ್ನ ಸಮಯ, ಶಕ್ತಿ ಮತ್ತು ಕಾಳಜಿಯನ್ನು ನೀಡುವುದನ್ನು ಮುಂದುವರಿಸುವುದು ಹೆಚ್ಚು ಹೆಚ್ಚು ಕಷ್ಟಕರವಾಗಿದೆ. ಮೈಕ್ರೋಸಾಫ್ಟ್ ನಲ್ಲಿ ನನ್ನ ಕೆಲಸವನ್ನು ತೊರೆಯುವುದು ನನಗೆ ಸ್ಪಷ್ಟ ಆಯ್ಕೆಯಾಗಿದೆ; ಮೈಕ್ರೋಸಾಫ್ಟ್ ನಲ್ಲಿ ನನ್ನ ಕೊನೆಯ ಕೆಲವು ದಿನಗಳನ್ನು ಸತ್ಯ ಹೇಳಲು ಬಳಸುವುದನ್ನು ಹೊರತುಪಡಿಸಿ ನನಗೆ ಯಾವುದೇ ಪರ್ಯಾಯ ಕಾಣುತ್ತಿಲ್ಲ. ಆದರೆ, ಸತ್ಯ ನಾದೆಲ್ಲಾ ಅವರ ಮಾತಿಗೆ ಅಡ್ಡಿಪಡಿಸುವ ಮೂಲಕ ಅಥವಾ ಇಂದು ಈ ಇಮೇಲ್ ಕಳುಹಿಸುವ ಮೂಲಕ ನಾನು ಸಾಧ್ಯವಾದಷ್ಟು ಮೈಕ್ರೋಸಾಫ್ಟ್ ನಲ್ಲಿ ಮಾತನಾಡಿದ್ದೇನೆ. ಮೈಕ್ರೋಸಾಫ್ಟ್ ನಾಯಕತ್ವವು ಇಸ್ರೇಲ್ ನಿಂದ ಹೊರಬರಬೇಕು ಮತ್ತು ಮಾರಣಾಂತಿಕ ತಂತ್ರಜ್ಞಾನವನ್ನು ವರ್ಣಭೇದ ಮತ್ತು ನರಮೇಧಕ್ಕೆ ಮಾರಾಟ ಮಾಡುವುದನ್ನು ನಿಲ್ಲಿಸಬೇಕು.

ಮೈಕ್ರೋಸಾಫ್ಟ್ ಅನ್ನು ಬಿಡುವುದು ಅನೇಕರಿಗೆ ಒಂದು ಆಯ್ಕೆಯಲ್ಲ ಎಂದು ನನಗೆ ತಿಳಿದಿದೆ. ನೀವು ಮೈಕ್ರೋಸಾಫ್ಟ್ ನಲ್ಲಿ ಕೆಲಸ ಮಾಡುವುದನ್ನು ಮುಂದುವರಿಸಬೇಕಾದರೆ, ಮೈಕ್ರೋಸಾಫ್ಟ್ ಅನ್ನು ತನ್ನದೇ ಆದ ಮೌಲ್ಯಗಳು ಮತ್ತು ಧ್ಯೇಯಕ್ಕೆ ಹೊಣೆಗಾರರನ್ನಾಗಿ ಮಾಡಲು ನಿಮ್ಮ ಸ್ಥಾನ, ಶಕ್ತಿ ಮತ್ತು ಸವಲತ್ತುಗಳನ್ನು ಬಳಸಲು ನಾನು ನಿಮ್ಮನ್ನು ಒತ್ತಾಯಿಸುತ್ತೇನೆ.

“ವರ್ಣಭೇದ ನೀತಿಗೆ ಅಝುರ್‌ ಬಳಕೆ ಬೇಡ" ಮನವಿಗೆ ಸಹಿ ಮಾಡಿ: ನಾವು ಕೊಲ್ಲುವ ಕೋಡ್ ಬರೆಯುವುದಿಲ್ಲ. ಈ ಬಗ್ಗೆ ಕಳವಳ ವ್ಯಕ್ತಪಡಿಸುತ್ತಿರುವ ಇನ್ನಷ್ಟು ಮೈಕ್ರೋಸಾಫ್ಟ್ ಉದ್ಯೋಗಿಗಳಿಗೆ ನಿಮ್ಮ ಧ್ವನಿಯ ಬೆಂಬಲ ಸೇರಿಸಲು ಈ ಅಭಿಯಾನಕ್ಕೆ ಸೇರಿಕೊಳ್ಳಿ.

ಮಕ್ಕಳು ಮತ್ತು ನಾಗರಿಕರನ್ನು ಗುರಿಯಾಗಿಸುವ ಶಸ್ತ್ರಾಸ್ತ್ರಗಳನ್ನು ನಿಯೋಜಿಸಲು ನಿಮ್ಮನ್ನು ಮೋಸದಿಂದ ಬಳಸಿದರೆ, ಈ ಜನವಿರೋಧಿ ಒಪ್ಪಂದಗಳನ್ನು ಕೈಬಿಡಲು ಮೈಕ್ರೋಸಾಫ್ಟ್ ನಾಯಕತ್ವವನ್ನು ಒತ್ತಾಯಿಸಿರಿ.

ಧ್ವನಿ ಎತ್ತುವುದನ್ನು ನಿಲ್ಲಿಸದಿರಿ. ಪ್ರತಿ ಅವಕಾಶದಲ್ಲೂ ಈ ಜನವಿರೋಧಿ ಒಪ್ಪಂದಗಳನ್ನು ಕೈಬಿಡಲು ಕಂಪೆನಿಯನ್ನು ಒತ್ತಾಯಿಸಿರಿ.

ಮೇಲಿನ ಅಂಶಗಳ ಕುರಿತು ನಿಮ್ಮ ಸಹೋದ್ಯೋಗಿಗಳೊಂದಿಗೆ ಸಂಭಾಷಣೆಗಳನ್ನು ಪ್ರಾರಂಭಿಸಿ - ಅನೇಕ ಉದ್ಯೋಗಿಗಳಿಗೆ ಈ ಬಗ್ಗೆ ತಿಳಿದಿಲ್ಲದಿರಬಹುದು.

ಈ ಸಂದೇಶದ ಯಾವುದೇ ಭಾಗವು ನಿಮಗೆ ಸರಿ ಕಂಡರೆ, ಈ ಇಮೇಲ್ ಅನ್ನು ಓದುವುದರಿಂದ ಪ್ರಯೋಜನ ಪಡೆಯಬಹುದಾದ ಯಾರಿಗಾದರೂ ಇದನ್ನು ರವಾನಿಸಿ. ಮೈಕ್ರೋಸಾಫ್ಟ್ ನ ಮಾನವ ಹಕ್ಕುಗಳ ಕುರಿತ ಹೇಳಿಕೆಯು ಮಾನವ ಹಕ್ಕುಗಳ ಸಂಬಂಧಿತ ಕಾಳಜಿಯನ್ನು ಎತ್ತುವ ಯಾರ ವಿರುದ್ಧ ಪ್ರತೀಕಾರವನ್ನು ನಿಷೇಧಿಸುತ್ತದೆ ಎಂದು ತಿಳಿದುಕೊಂಡಿರಿ.

ನನ್ನ ವಿದಾಯ ಮತ್ತು ಫೆಲೆಸ್ತೀನ್ ಸ್ವತಂತ್ರವಾಗಲಿ !

ವಾನಿಯಾ ಅಗರ್ವಾಲ್.