ದಿಲ್ಲಿ ಪೊಲೀಸ್‌ ಎನ್‌ಕೌಂಟರ್‌ ನಲ್ಲಿ ಮೂವರು ಸಾವು

ಹೊಸದಿಲ್ಲಿ: ಜೂನ್‌ ನಲ್ಲಿ ದಿಲ್ಲಿಯ ಬರ್ಗರ್ ಕಿಂಗ್ ಅಂಗಡಿಯಲ್ಲಿ ನಡೆದ ಕೊಲೆಯಲ್ಲಿ ಭಾಗಿಯಾಗಿದ್ದ ಆರೋಪಿ ಸಹಿತ ಮೂವರು ಪೋಲೀಸ್‌ ಎನ್‌ ಕೌಂಟರ್‌ ನಲ್ಲಿ ಮೃತಪಟ್ಟಿದ್ದಾರೆ.

ಈ ಘಟನೆ ಶುಕ್ರವಾರ ತಡರಾತ್ರಿ ಹರಿಯಾಣದ ಸೋನಿ‍ಪತ್ ಜಿಲ್ಲೆಯ ಚಿನ್ನೋಳಿ ರಸ್ತೆಯ ಖಾರ್ಕೊಡಾ ಬಳಿ ನಡೆದಿದ್ದು, ಹರಿಯಾಣ ಹಾಗೂ ದಿಲ್ಲಿ ಪೊಲೀಸರು ನಡೆಸಿದ ಜಂಟಿ ಕಾರ್ಯಾಚಾರಣೆ ನಡೆಸಿದ್ದಾರೆ. ಎನ್‌ಕೌಂಟರ್‌ನಲ್ಲಿ ಮೃತಪಟ್ಟವರನ್ನು ಆಶಿಶ್ ಕಲು, ವಿಕ್ಕಿ ರಿಧಾನ ಮತ್ತು ಸನ್ನಿ ಗುಜ್ಜರ್ ಎಂದು ಗುರುತಿಸಲಾಗಿದೆ.

ಈ ತಂಡ ಹರ್ಯಾಣದ ಉದ್ಯಮಿಗಳನ್ನು ಗುರಿ ಮಾಡಿ ಅವರಿಂದ ಲಕ್ಷಾಂತರ ರೂಪಾಯಿ ಸುಲಿಗೆ ಮಾಡುತ್ತಿತ್ತು ಎಂದು ಪೊಲೀಸರು ತಿಳಿಸಿದ್ದಾರೆ. 

ಬಂಧನಕ್ಕೆ ತೆರಳಿದ್ದಾಗ ಆರೋಪಿಗಳು ಪೊಲೀಸ್ ಮೇಲೆ ದಾಳಿ ಮಾಡಿದಾಗ ಪೊಲೀಸರು ಪ್ರತಿದಾಳಿ ನಡೆಸಿದ್ದಾರೆ. ದಾಳಿಯಲ್ಲಿ ಮೂವರೂ ಸ್ಥಳದಲ್ಲೇ ಮೃತಪಟ್ಟಿದ್ದಾರೆ ಎಂದು ಎಸಿಪಿ ಉಮೇಶ್ ತಿಳಿಸಿದ್ದಾರೆ.