ಟ್ರಂಪ್ ವಿಶಿಷ್ಟ ರೀತಿಯಲ್ಲಿ ಕ್ರಿಸ್ಮಸ್ ಶುಭಾಶಯ

ನ್ಯೂಯಾರ್ಕ್: ದೇಶವನ್ನು ನಾಶಮಾಡಲು ಯತ್ನಿಸುವ ಜನರು ನರಕದಲ್ಲಿ ಕೊಳೆಯಲಿ ಎಂದು ಅಮೆರಿಕದ ಮಾಜಿ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ತಮ್ಮದೇ ಆದ ವಿಶಿಷ್ಟ ಶೈಲಿಯಲ್ಲಿ ಕ್ರಿಸ್ಮಸ್ ಶುಭಾಶಯ ಸಲ್ಲಿಸಿದ್ದಾರೆ.

ತಮ್ಮ `ಟ್ರುಥ್' ಸಾಮಾಜಿಕ ವೇದಿಕೆ(ಟ್ವಿಟರ್ನ ರೀತಿಯ ಸಾಮಾಜಿಕ ವೇದಿಕೆ)ಯಲ್ಲಿ ಪೋಸ್ಟ್ ಮಾಡಿರುವ ಕ್ರಿಸ್ಮಸ್ ಶುಭಾಶಯದ ಜತೆಗೆ `ಅಪ್ರಮಾಣಿಕ ಜೋ ಬೈಡನ್ ಅವರ ಏಕೈಕ ಭರವಸೆ ಜಾಕ್ ಸ್ಮಿತ್, ಒಳ್ಳೆಯ ಮತ್ತು ಕೆಟ್ಟ ಜಾಗತಿಕ ಮುಖಂಡರು, ಒಂದು ಕಾಲದಲ್ಲಿ ನಮ್ಮ ಶ್ರೇಷ್ಟ ಅಮೆರಿಕವನ್ನು ನಾಶಪಡಿಸಲು ನೋಡುತ್ತಿರುವ ಅಮೆರಿಕದ ಪುಂಡರು ಸೇರಿದಂತೆ ಎಲ್ಲರಿಗೂ ಕ್ರಿಸ್ಮಸ್ ಶುಭಾಶಯಗಳು' ಎಂದು ಪೋಸ್ಟ್ ಮಾಡಿದ್ದಾರೆ.

`ಕೆಟ್ಟ ಮತ್ತು ಒಳ್ಳೆಯ ಜಾಗತಿಕ ಮುಖಂಡರಿಬ್ಬರಿಗೂ ಶುಭಾಶಯಗಳು. ಆದರೆ ಇವರ್ಯಾರೂ ನಮ್ಮ ದೇಶದೊಳಗಿನ ಪುಂಡರಷ್ಟು ಕೆಟ್ಟವರು ಮತ್ತು ಅಸ್ವಸ್ಥ ಮನಸ್ಸಿನವರಲ್ಲ. ಮುಕ್ತ ಗಡಿಗಳು, ಹಣದುಬ್ಬರ, ಅಫ್ಘಾನಿಸ್ತಾನದಲ್ಲಿ ಶರಣಾಗತಿ, ಹೊಸ ಹಗರಣಗಳು, ಅಧಿಕ ತೆರಿಗೆ, ಇಂಧನದ ಸ್ವಾತಂತ್ರ್ಯ ಇಲ್ಲದಿರುವುದು, ರಶ್ಯ/ಉಕ್ರೇನ್, ಇಸ್ರೇಲ್/ಇರಾನ್ ಎಲ್ಲಾ ವಿಷಯಗಳಲ್ಲೂ ಗೊಂದಲ, ಇಲೆಕ್ಟ್ರಿಕ್ ಕಾರುಗಳ ಹುಚ್ಚುತನ ಹಾಗೂ ಇತರ ಹಲವು ಹುಚ್ಚಾಟಗಳ ಮೂಲಕ ಒಂದೊಮ್ಮೆ ಮಹಾನ್ ದೇಶವಾಗಿದ್ದ ಅಮೆರಿಕವನ್ನು ನಾಶಗೊಳಿಸಲು ಪ್ರಯತ್ನಿಸುವವರು ನರಕದಲ್ಲಿ ಕೊಳೆಯಲಿ. ಮತ್ತೊಮ್ಮೆ ಕ್ರಿಸ್ಮಸ್ ಶುಭಾಶಯಗಳು' ಎಂದು ಟ್ರಂಪ್ ಪೋಸ್ಟ್ ಮಾಡಿದ್ದಾರೆ.