ಗಾಝಾ: ಇಸ್ರೇಲ್‌ ವಾಯು ದಾಳಿಗೆ ಫೆಲೆಸ್ತೀನೀಯರಿಗೆ ಆಹಾರ ಒದಗಿಸುತ್ತಿದ್ದ 7 ಮಾನವೀಯ ನೆರವು ಕಾರ್ಯಕರ್ತರ ಬಲಿ

ಗಾಝಾ: ಇಸ್ರೇಲ್‌ನ ವಾಯು ದಾಳಿಯು ಕೇಂದ್ರ ಗಾಝಾ ಪಟ್ಟಿಯಲ್ಲಿ ಏಳು ಮಾನವೀಯ ನೆರವು ಕಾರ್ಯಕರ್ತರನ್ನು ಬಲಿ ಪಡೆದಿದೆ ಎಂದು ಎನ್‌ಜಿಒ ವರ್ಲ್ಡ್‌ ಸೆಂಟ್ರಲ್‌ ಕಿಚನ್‌ ಹೇಳಿದೆ.

ಯುದ್ಧಪೀಡಿತ ಗಾಝಾದಲ್ಲಿ ಈ ಎನ್‌ಜಿಒ ಸಾವಿರಾರು ಫೆಲೆಸ್ತೀನೀಯರಿಗೆ ಆಹಾರ ಒದಗಿಸುತ್ತಿತ್ತು. ಸಂಘರ್ಷರಹಿತ ಸ್ಥಳದಲ್ಲಿ ತಮ್ಮ ಸಂಸ್ಥೆಯ ಕಾರ್ಯಕರ್ತರು ಸಂಸ್ಥೆಯ ಲಾಂಛನ ಹೊಂದಿದ ಹಾಗೂ ರಕ್ಷಿತ ವಾಹನದಲ್ಲಿ ಸಾಗುತ್ತಿದ್ದಾಗ ಈ ವಾಯು ದಾಳಿ ನಡೆದಿದೆ.

ಕೇಂದ್ರ ಗಾಝಾದ ಡೇರ್‌ ಅಲ್-ಬಲಾಹ್‌ ಎಂಬಲ್ಲಿ ನಡೆದಿದೆ. ಮೃತರಲ್ಲಿ ಆಸ್ಟ್ರೇಲಿಯಾ, ಪೋಲಂಡ್‌, ಯುಕೆ, ಅಮೆರಿಕಾ, ಕೆನಡಾ ಮತ್ತು ಫೆಲೆಸ್ತೀನಿ ನಾಗರಿಕ ಸೇರಿದ್ದಾರೆ.