ಜೋಗ ಜಲಪಾತ ಸಹಿತ ವಿವಿಧೆಡೆ KSRTC ಪ್ಯಾಕೇಜ್ ಟೂರ್‌: ದರ, ಸಮಯದ ಮಾಹಿತಿ ಇಲ್ಲಿದೆ...
Update: 2023-08-07 16:19 GMT
ಬೆಂಗಳೂರು, ಆ. 7: ಕರ್ನಾಟಕ ರಾಜ್ಯ ರಸ್ತೆ ಸಾರಿಗೆ ಸಂಸ್ಥೆ(ಕೆಎಸ್ಸಾರ್ಟಿಸಿ) ಬೆಂಗಳೂರು-ಜೋಗ ಜಲಪಾತ, ಬೆಂಗಳೂರು-ಸೋಮನಾಥಪುರ, ತಲಕಾಡು, ಮಧ್ಯರಂಗ, ಭರಚುಕ್ಕಿ-ಗಗನಚುಕ್ಕಿ ಮಾರ್ಗದಲ್ಲಿ ಪ್ರತ್ಯೇಕ ಪ್ರವಾಸ ಪ್ಯಾಕೇಜ್ ವೇಳಾಪಟ್ಟಿ ಪ್ರಕಟಿಸಿದೆ.
ಬೆಂಗಳೂರು-ಜೋಗ: ನಾನ್ ಎಸಿ ಸ್ಲೀಪರ್ ವಾಹನದೊಂದಿಗೆ ವಾರಂತ್ಯ ಶುಕ್ರವಾರ ಮತ್ತು ಶನಿವಾರ ಆ.11ರಿಂದ ಆರಂಭಿಸಲಿದ್ದು, ವಯಸ್ಕರಿಗೆ 2,500 ರೂ., ಮಕ್ಕಳಿಗೆ (6ರಿಂದ 12 ವರ್ಷ) 2,300 ರೂ.ದರ ನಿಗದಿಪಡಿಸಲಾಗಿದೆ.
ಅದೇ ರೀತಿಯಲ್ಲಿ ಬೆಂಗಳೂರು-ಸೋಮನಾಥಪುರ, ತಲಕಾಡು-ಮಧ್ಯರಂಗ, ಭರಚುಕ್ಕಿ-ಗಗನಚುಕ್ಕಿ ಮಾರ್ಗದಲ್ಲಿ ವಾರಂತ್ಯದ ಶನಿವಾರ ಮತ್ತು ರವಿವಾರ ಆ.12ರಿಂದ ಪ್ರಾರಂಭಿಸಲಿದ್ದು, ವಯಸ್ಕರಿಗೆ 450 ರೂ., ಮಕ್ಕಳಿಗೆ (6ರಿಂದ 12 ವರ್ಷ) 300 ರೂ.ದರ ನಿಗದಿಪಡಿಸಲಾಗಿದೆ.
ಹೆಚ್ಚಿನ ಮಾಹಿತಿಗೆ ಮೊ.ಸಂಖ್ಯೆ-77609 90287, 77609 90988 ಅನ್ನು ಸಂಪರ್ಕಿಸಲು ಪ್ರಕಟನೆ ಕೋರಿದೆ.