ಸಕಲೇಶಪುರ| ಬೇಲಿ ಬಳಿ ಮೂತ್ರ ವಿಸರ್ಜನೆ ಮಾಡಿದ ಆರೋಪದಲ್ಲಿ ಇಬ್ಬರು ದಲಿತರ ಮೇಲೆ ಹಲ್ಲೆ; ಪ್ರಕರಣ ದಾಖಲು

ಸಕಲೇಶಪುರ: ಬೇಲಿ ಬಳಿ ಮೂತ್ರ ವಿಸರ್ಜನೆ ಮಾಡಿದ್ದಾರೆಂದು ಆರೋಪಿಸಿ ಇಬ್ಬರು ದಲಿತರ ಮೇಲೆ ಹಲ್ಲೆ ನಡೆಸಿದ್ದಾರೆನ್ನಲಾದ ಘಟನೆ ಸಕಲೇಶಪುರ ತಾಲೂಕಿನ ಚಂಗಡಿಹಳ್ಳಿ ಗ್ರಾಮದಲ್ಲಿ ನಡೆದಿರುವುದು ವರದಿಯಾಗಿದೆ.

ಭರತ್(22) ಮತ್ತು ವಿಶ್ವನಾಥ್ (28) ಹಲ್ಲೆಗೊಳಗಾಗಿರುವ ದಲಿತರಾಗಿದ್ದು, ಗ್ರಾಮಸ್ಥರಾದ ಸಚಿನ್, ಉದಯ್, ಪ್ರತಾಪ್, ಮಧು, ಶರತ್ ಸಹಿತ ಅನೇಕರು ಹಲ್ಲೆ ನಡೆಸಿದ್ದಾರೆಂದು ಅವರು ದೂರಿನಲ್ಲಿ ತಿಳಿಸಿದ್ದಾರೆ.

ಸಕಲೇಶಪುರ ಸರಕಾರಿ ಆಸ್ಪತ್ರೆಯಲ್ಲಿ ಇಬ್ಬರೂ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಘಟನೆ ಸಂಬಂಧ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಪ್ರಕರಣಕ್ಕೆ ಸಂಬಂಧಿಸಿದಂತೆ ಹಲ್ಲೆ ನಡೆಸಿದ ವ್ಯಕ್ತಿಗಳು ನೀಡಿದ ದೂರಿನ ಅನ್ವಯ, ಹಲ್ಲೆಗೆ ಒಳಗಾದ ದಲಿತರ ಮೇಲೆ ಪ್ರತಿದೂರು ದಾಖಲಿಸಲಾಗಿದೆ. ಇದನ್ನು ದಸಂಸ ಮುಖಂಡ ವಲಳಹಳ್ಳಿ ವೀರೇಶ್ ಖಂಡಿಸಿ, ಎಸ್ ಪಿ ಮುಹಮ್ಮದ್ ಸುಜೀತಾರಿಗೆ ದೂರು ನೀಡಿದ್ದಾರೆ.