ಕಾರ್ಕಳ : ತಾಲೂಕು ಮಟ್ಟದ ಕಬಡ್ಡಿ ಕ್ರೀಡಾಕೂಟ

ಕಾರ್ಕಳ :ಕ್ರೀಡಾ ಭಾರತಿ, ಕಾರ್ಕಳ ತಾಲೂಕು ವತಿಯಿಂದ ಕಾರ್ಕಳ ಮುಡಾರು ಗ್ರಾಮದ ಬಜಗೋಳಿ ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆಯ ಆವರಣದಲ್ಲಿ ಆಹ್ವಾನಿತ ತಂಡಗಳ ತಾಲೂಕು ಮಟ್ಟದ ಕಬಡ್ಡಿ ಕ್ರೀಡಾಕೂಟ ಜರುಗಿತು. ಒಟ್ಟು 21 ತಂಡಗಳು ಭಾಗವಹಿಸಿದ್ದವು.

ಸಭಾ ಕಾರ್ಯಕ್ರಮವನ್ನು ಬಜಗೋಳಿಯ ಖ್ಯಾತ ವೈದ್ಯರಾದ ಡಾಕ್ಟರ್ ರಾಮದಾಸ್ ಹೆಗ್ದೆ ಉದ್ಘಾಟಿಸಿದರು. ರಾಷ್ಟ್ರೀಯ ಸ್ವಯಂಸೇವಕ ಸಂಘದ ಕಾರ್ಕಳ ತಾಲೂಕು ಸಂಘಚಾಲಕ ಉದಯ್ ಕುಮಾರ್ ಶೆಣೈ ಅಧ್ಯಕ್ಷತೆ ವಹಿಸಿದರು. ಕ್ರೀಡಾ ಭಾರತೀಯ ವಿಭಾಗ ಸಂಯೋಜಕರಾದ ಪ್ರಸನ್ನ ಶೆಣೈ ಪ್ರಸ್ತಾವನೆಗೈದರು. ಕ್ರೀಡಾ ಭಾರತಿಯ ಉಡುಪಿ ಜಿಲ್ಲಾ ಕಾರ್ಯಕಾರಿಣಿ ಸದಸ್ಯರಾದ ಮಂಜುನಾಥ ಶೆಟ್ಟಿ, ಬೈಲೂರು ಹಾಗೂ ಕಾರ್ಕಳ ತಾಲೂಕು ಅಧ್ಯಕ್ಷ ಶಿವಾನಂದ ಕಾಮತ್ ಉಪಸ್ಥಿತರಿದ್ದರು.

ಅಜಿತ್ ಕಾಮತ್ ಕಾರ್ಕಳ ಕಾರ್ಯಕ್ರಮವನ್ನು ನಿರೂಪಿಸಿದರು. ಸುಮಂತ ಜೋಶಿ ಧನ್ಯವಾದ ಸಮರ್ಪಣೆಯನ್ನು ನೀಡಿದರು. ಯುವಕರ ವಿಭಾಗದಲ್ಲಿ ಪ್ರಥಮ ಸ್ಥಾನವನ್ನು ಮುಡಾರು ಚೌಕಿ ತಂಡ ಗೆದ್ದು ದ್ವಿತೀಯ ಸ್ಥಾನ ಈದು ಹಾಗೂ ತೃತೀಯ ಮುಡಾರು ದಿಡಿಂಬಿರಿ ತಂಡ ಗೆದ್ದಿತು.

ಬಾಲಕರ ವಿಭಾಗದಲ್ಲಿ ದುರ್ಗ ಮುಂಡ್ಲಿ ತಂಡ ಪ್ರಥಮ ಸ್ಥಾನ ಪಡೆದುಕೊಂಡರೆ ದ್ವಿತೀಯ ಮುಡಾರು ಡಿಡಿಂಬಿರಿ ತೃತೀಯ ನಲ್ಲೂರು ತಂಡ ಪಡೆದುಕೊಂಡಿತು.