ಯುವತಿ ನಾಪತ್ತೆ

ಮಂಗಳೂರು, ನ.2: ನಗರದ ನಂದಿಗುಡ್ಡ ಜಪ್ಪು ಬಪ್ಪಾಲ್ ನಿವಾಸಿ ಶ್ರೀದೇವಿ ಎಂಬವರ ಮಗಳು ಲಕ್ಷ್ಮಿ (18) ಅಕ್ಟೋಬರ್ 21ರಿಂದ ಕಾಣೆಯಾಗಿದ್ದಾರೆ. ಮನೆ ಕೆಲಸಕ್ಕೆ ಹೋದ ಈ ಯುವತಿ ಹಿಂತಿರುಗಿ ಬಾರದೆ ನಾಪತ್ತೆಯಾಗಿರುವುದಾಗಿ ಪ್ರಕರಣ ದಾಖಲಿಸಿರುವ ಪಾಂಡೇಶ್ವರ ಪೊಲೀಸರು ತಿಳಿಸಿದ್ದಾರೆ.

ಸುಮಾರು 4.9 ಅಡಿ ಎತ್ತರದ, ಗೋಧಿ ಮೈಬಣ್ಣದ, ದುಂಡು ಮುಖದ, ದಪ್ಪಶರೀರದ, ಹಳದಿ ಬಣ್ಣದ ಅಂಬ್ರೆಲ್ಲಾ ಬಟ್ಟೆಯನ್ನು ಧರಿಸಿರುವ ಈಕೆ ಕನ್ನಡ ಮಾತನಾಡುತ್ತಾರೆ. ಈಕೆಯನ್ನು ಕಂಡವರು ದೂ.ಸಂ: 0824-2220518/0824-2220800/ 9480805346/9480805339ನ್ನು ಸಂಪರ್ಕಿಸಬಹುದು ಎಂದು ಪ್ರಕಟನೆ ತಿಳಿಸಿದೆ.