ವಿದ್ಯುತ್ ತಂತಿ ತಗುಲಿ ಹೊತ್ತಿ ಉರಿದ ಬಸ್; 5 ಮಂದಿ ಮೃತ್ಯು, ಹಲವರಿಗೆ ಗಾಯ

ಘಾಝಿಪುರ್: ಉತ್ತರ ಪ್ರದೇಶದ ಘಾಝಿಪುರ್ ಜಿಲ್ಲೆಯಲ್ಲಿ ಬಸ್ ಒಂದು ವಿದ್ಯುತ್ ತಂತಿಗೆ ತಾಕಿದ ಪರಿಣಾಮವಾಗಿ ಬಸ್ ಹೊತ್ತಿಕೊಂಡು ಉರಿದಿದ್ದು, ಈ ಘಟನೆಯಲ್ಲಿ ಐವರು ಮೃತಪಟ್ಟಿದ್ದು, 10 ಮಂದಿ ಗಾಯಗೊಂಡಿದ್ದಾರೆ.

ವರದಿಗಳ ಪ್ರಕಾರ, ಬಸ್ ನಲ್ಲಿ ಕನಿಷ್ಠ ಪಕ್ಷ 30 ಮಂದಿ ಪ್ರಯಾಣಿಸುತ್ತಿದ್ದರು ಎಂದು ಹೇಳಲಾಗಿದೆ.

ಈ ಘಟನೆಯ ವಿಡಿಯೊ ವೈರಲ್ ಆಗಿದ್ದು, ಸ್ಥಳೀಯ ನಿವಾಸಿಗಳು ಬೆಂಕಿಯನ್ನು ನಂದಿಸಲು ಹರಸಾಹಸ ಪಡುತ್ತಿರುವ ದೃಶ್ಯ ಸೆರೆಯಾಗಿದೆ.