ಉತ್ತರ ಪ್ರದೇಶ: ಗೋರಖಪುರ್‌ ವಿವಿ ಉಪಕುಲಪತಿ, ಪೊಲೀಸರ ಮೇಲೆ ಎಬಿವಿಪಿ ಸದಸ್ಯರಿಂದ ಹಲ್ಲೆ; ವರದಿ

ಗೋರಖಪುರ್:‌ ಗೋರಖಪುರ ವಿವಿಯಲ್ಲಿ ಅಖಿಲ ಭಾರತೀಯ ವಿದ್ಯಾರ್ಥಿ ಪರಿಷದ್‌ (ಎಬಿವಿಪಿ) ಸದಸ್ಯರೆಂದು ತಿಳಿಯಲಾದ ಕೆಲವರು ಕ್ಯಾಂಪಸ್‌ನಲ್ಲಿ ಪೊಲೀಸರ ಜೊತೆ ಕಾಳಗಕ್ಕಿಳಿದಿದ್ದೇ ಅಲ್ಲದೆ ವಿವಿಯ ಉಪಕುಲಪತಿ ಮತ್ತು ರಿಜಿಸ್ಟ್ರಾರ್‌ ಅವರಿಗೆ ಥಳಿಸಿದ ಘಟನೆ ನಡೆದಿದೆ ಎಂದು ವರದಿಯಾಗಿದೆ.

ಈ ಕುರಿತಾದ ವೀಡಿಯೋವೊಂದು ಹರಿದಾಡುತ್ತಿದೆ. ಆರೋಪಿಗಳು ಮೊದಲು ಪೊಲೀಸರೊಂದಿಗೆ ಗುದ್ದಾಡಿ ನಂತರ ವಿವಿ ಅಧಿಕಾರಿಗಳನ್ನು ಎಳೆದು ಅವರನ್ನು ಒದೆಯುತ್ತಿರುವುದು ಕಾಣಿಸುತ್ತದೆ.

ಘಟನೆ ಯಾವಾಗ ನಡೆದಿದೆ ಎಂಬ ಬಗ್ಗೆ ಇನ್ನೂ ಈ ಸ್ಪಷ್ಟತೆಯಿಲ್ಲ. ಘಟನೆಗೆ ಕಾರಣವೇನೆಂಬುದೂ ತಿಳಿದು ಬಂದಿಲ್ಲ. ನಂತರ ಭದ್ರತಾ ಸಿಬ್ಬಂದಿಗಳು ಆರೋಪಿಗಳನ್ನು ಗೇಟಿನಿಂದಾಚೆಗೆ ತಳ್ಳಿ ಗೇಟನ್ನು ಮುಚ್ಚಿದ್ದಾರೆ. ಈ ಸಂದರ್ಭ ಅವರು ಪೊಲೀಸರನ್ನು ನಿಂದಿಸುತ್ತಿರುವುದೂ ವೀಡಿಯೋದಲ್ಲಿ ಕಾಣಿಸುತ್ತದೆ.