ಮಾಹಿತಿ ಮತ್ತು ಪ್ರಸಾರ ಸಚಿವಾಲಯದ ಪ್ರಧಾನ ಮಹಾನಿರ್ದೇಶಕಿಯಾಗಿ ಶೆಫಾಲಿ ಶರಣ್ ಅಧಿಕಾರ ಸ್ವೀಕಾರ
ಹೊಸದಿಲ್ಲಿ : ಮನೀಷ್ ದೇಸಾಯಿ ಅವರ ನಿವೃತ್ತಿಯ ನಂತರ ಶೇಫಾಲಿ ಬಿ. ಶರಣ್ ಅವರು ಎ.1ರಂದು ಪತ್ರಿಕಾ ಮಾಹಿತಿ ಬ್ಯೂರೋದ ಪ್ರಧಾನ ನಿರ್ದೇಶಕರಾಗಿ ಅಧಿಕಾರ ವಹಿಸಿಕೊಂಡರು. ಶೇಫಾಲಿ ಭಾರತೀಯ ಮಾಹಿತಿ ಸೇವೆಯ 1990 ಬ್ಯಾಚ್ ನ ಅಧಿಕಾರಿಯಾಗಿದ್ದಾರೆ.
ಮೂರು ದಶಕಗಳ ಕಾಲದ ವಿಶಿಷ್ಟ ವೃತ್ತಿಜೀವನದಲ್ಲಿ ಅವರು ಹಣಕಾಸು, ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಮತ್ತು ಮಾಹಿತಿ ಮತ್ತು ಪ್ರಸಾರದಂತಹ ಸಚಿವಾಲಯಗಳಿಗೆ ಪತ್ರಿಕಾ ಮಾಹಿತಿ ಕಚೇರಿ ಅಧಿಕಾರಿಯಾಗಿ ದೊಡ್ಡ ಪ್ರಮಾಣದ ಮಾಧ್ಯಮ ಪ್ರಚಾರ ಕಾರ್ಯಗಳನ್ನು ನಿರ್ವಹಿಸುವ ಕೇಡರ್ ಹುದ್ದೆಗಳನ್ನು ನಿರ್ವಹಿಸಿದ್ದಾರೆ. ಅವರು ಭಾರತದ ಚುನಾವಣಾ ಆಯೋಗದ ವಕ್ತಾರರಾಗಿಯೂ ಸೇವೆ ಸಲ್ಲಿಸಿದ್ದಾರೆ.
ಅವರು ಆರೋಗ್ಯ ಸಚಿವಾಲಯದ ನಿರ್ದೇಶಕರಾಗಿ (ಸಾಂಪ್ರದಾಯಿಕ ಔಷಧಗಳು / ಆಯುಷ್ ಇಲಾಖೆ (2002-2007)) ಸೇವೆ ಸಲ್ಲಿಸಿದ್ದಾರೆ. ಅವರು ಹಣಕಾಸು ಸಚಿವಾಲಯದಲ್ಲಿ ನಿರ್ದೇಶಕರಾಗಿ (ಆರ್ಥಿಕ ವ್ಯವಹಾರಗಳ ಇಲಾಖೆ 2013-2017) ಸೇವೆ ಸಲ್ಲಿಸಿದ್ದಾರೆ. ಅವರು ಮಾಹಿತಿ ಮತ್ತು ಪ್ರಸಾರ ಸಚಿವಾಲಯದಲ್ಲಿ (ಮಾಹಿತಿ ನೀತಿ, 2000-2002) ವಿಶೇಷ ಕರ್ತವ್ಯದ ಅಧಿಕಾರಿಯಾಗಿ (ಒ ಎಸ್ ಡಿ) ಮತ್ತು 2007 ರಿಂದ 2008 ರವರೆಗೆ ಲೋಕಸಭೆಯ ಸಚಿವಾಲಯದ ಲೋಕಸಭೆ ದೂರದರ್ಶನದ ಆಡಳಿತ ಮತ್ತು ಹಣಕಾಸು ನಿರ್ದೇಶಕರಾಗಿ ಸೇವೆ ಸಲ್ಲಿಸಿರುವರು.
ಅಧಿಕಾರ ಸ್ವೀಕರಿಸಿದ ನಂತರ, ಶರಣ್ ಅವರನ್ನು ಪತ್ರಿಕಾ ಮಾಹಿತಿ ಬ್ಯೂರೋದ ಹಿರಿಯ ಅಧಿಕಾರಿಗಳು ಸ್ವಾಗತಿಸಿದರು.