ಕಡಿಮೆ ಸಂಪಾದಿಸುವ ಕೋಪದಲ್ಲಿ ನಿದ್ರಿಸುತ್ತಿದ್ದ ಪತಿಯ ಕಣ್ಣಿಗೆ ಪೆವಿಕ್ವಿಕ್ ಹಾಕಿ ತಪ್ಪಿಸಿಕೊಂಡ ಪತ್ನಿ!

ಹೊಸದಿಲ್ಲಿ, ಮೇ 20: ಪರಸ್ಪರ ಜಗಳ ಮಾಡಿ ಪತಿ ನಿದ್ರೆ ಮಾಡಿದ್ದ ವೇಳೆ ಮಹಿಳೆಯೊಬ್ಬಳು ಅವನ ಕಣ್ಣಿಗೆ ಪೆವಿಕ್ವಿಕ್ ಹಾಕಿ ತಪ್ಪಿಸಿಕೊಂಡಿರುವ ಘಟನೆ ಮಧ್ಯಪ್ರದೇಶದ ರಿವಾದಿಂದ ವರದಿಯಾಗಿದೆ. ಪತಿಯ ಕಣ್ಣು ತೆರೆಯಲು ಮೆಡಿಕಲ್ ಕಾಲೇಜಿನ ವೈದ್ಯರು ಆತನ ಕಣ್ಣನ್ನು ತೆರೆಯಲು ಶತಪ್ರಯತ್ನ ನಡೆಸುತ್ತಿದ್ದೂ ಈವರೆಗೆ ಅವರು ಯಶಸ್ವಿಯಾಗಿಲ್ಲ.

ವರದಿಯಾಗಿರುವ ಪ್ರಕಾರ ಮಧ್ಯಪ್ರದೇಶದ ರಿವಾ ಜಿಲ್ಲೆಯ ಕರಿಯ ಗ್ರಾಮದಲ್ಲಿ ದಂಪತಿ ಪರಸ್ಪರ ಕಳೆದೆರಡು ದಿನಗಳಿಂದ ಜಗಳವಾಡುತ್ತಿದ್ದರು. ಈ ಜಗಳದಲ್ಲಿ ಕೋಪಗೊಂಡಿದ್ದ ಪತ್ನಿ ಪತಿಗೆ ಬುದ್ಧಿ ಕಲಿಸಲು ಪೆವಿಕ್ವಿಕ್ ಪ್ರಯೋಗ ನಡೆಸಿದ್ದಾಳೆ. ಸಂತೋಷ ವಿಶ್ವಕರ್ಮ ರಾತ್ರಿವೇಳೆ ಮಲಗಿದ್ದಾಗ ಗಟ್ಟಿಯಾಗಿ ಅಂಟುವ ಫೆವಿಕ್ವಿಕ್ ಹಾಕಿ ಶಾಶ್ವತವಾಗಿ ಕಣ್ಣು ಮುಚ್ಚಿರುವಂತೆ ಮಾಡಿ ಅಲ್ಲಿಂದ ತಪ್ಪಿಸಿಕೊಂಡಿದ್ದಾಳೆ.

ನೆರೆಯವರಿಗೆ ಈ ಘಟನೆಯ ವಿವರ ಸಂತೋಷ ನಿದ್ರೆಯಿಂದ ಎದ್ದು ಸಹಾಯಕ್ಕಾಗಿ ಕರೆದಾಗ ಗೊತ್ತಾಗಿತ್ತು. ಕೂಡಲೇ ಅತನನ್ನು ರಿವಾ ಮೆಡಿಕಲ್ ಕಾಲೇಜ್‌ಗೆ ಸೇರಿಸಿದ್ದು ಅಲ್ಲಿ ಚಿಕಿತ್ಸೆ ನಡೆಯುತ್ತಿದೆ.

ಪೊಲೀಸರು ಘಟನಾ ಸ್ಥಳಕ್ಕೆ ಬಂದ ಪೊಲೀಸರು ಆರೋಪಿ ಮಹಿಳೆಯ ವಿರುದ್ಧ ಕೇಸು ದಾಖಲಿಸಿಕೊಂಡಿದ್ದಾರೆ. ಕಡಿಮೆ ಸಂಪಾದನೆಯ ಕಾರಣದಿಂದ ಸಂತೋಷನ ಕಣ್ಣಿಗೆ ಫೆವಿಕ್ವಿಕ್ ಅಂಟಿಸಿದ್ದಾಳೆ ಎಂದು ಪೊಲೀಸರನ್ನು ಉದ್ಧರಿಸಿ ಟೈಮ್ಸ್ ಆಫ್ ಇಂಡಿಯಾ ವರದಿ ಮಾಡಿದೆ. ಪತ್ನಿ ವಿಜಯ ಲಕ್ಷ್ಮಿ ಖರ್ಚಿಗೆ ಹಣ ಸಾಲುವುದಿಲ್ಲ ಎಂದು ದಿನಾಲೂ ಸಂತೋಷನ್ನು ಪೀಡಿಸುತ್ತಿದ್ದಳು ಎಂದು ಆತ ಹೇಳಿಕೊಂಡಿದ್ದಾನೆ. ಇದೇ ಜಗಳದಲ್ಲಿ ಪಾಠ ಕಲಿಸಲು ಹೊರಟು ಗಂಡನ ಕಣ್ಣಿಗೆ ಸಂಚಕಾರವಾಗುವಂತೆ ವರ್ತಿಸಿದ್ದಾಳೆ. ವಿಜಯಲಕ್ಷ್ಮೀ ಸಂತೋಷನಿಗೆ ನಿದ್ರೆ ಹಿಡಿಯುವುದನ್ನೇ ಕಾದು ಸುಮಾರು ರಾತ್ರಿ ಒಂದು ಗಂಟೆಯ ವೇಳೆಗೆ ಅವನ ಕಣ್ಣಿಗೆ ಫೆವಿಕ್ವಿಕ್ ಹಾಕಿದ್ದಾಳೆ. ತಾನು ಕಾರ್ಪೆಂಟರ್ ಆಗಿದ್ದು ತನ್ನ ಆರ್ಥಿಕ ಸ್ಥಿತಿ ಉತ್ತಮವಾಗಿಲ್ಲ ಎಂದು ಸಂತೋಷ ಹೇಳಿಕೊಂಡಿದ್ದಾನೆ.

ಬೆಳಗ್ಗೆ ಎಚ್ಚರವಾದಾಗ ತನ್ನ ಪತ್ನಿಯನ್ನು ಆತ ಕೂಗಿದ್ದಾನೆ. ಆದರೆ ಅವಳು ಬರದಿದ್ದಾಗ ನೆರೆಯವರನ್ನು ಕರೆದಿದ್ದಾನೆ. ನೆರೆಯವರು ಬಂದು ಮನೆಯ ಬಾಗಿಲನ್ನು ಒಡೆದು ಆತನನ್ನು ಆಸ್ಪತ್ರೆಗೆ ಸೇರಿಸಿದ್ದಾರೆ ಎಂದು ವರದಿಯಾಗಿದೆ.