ಕೆನಡಾ: ದೇವಾಲಯ ಅಪವಿತ್ರ ಪ್ರಕರಣ; ಒಬ್ಬನ ಬಂಧನ

ಟೊರಂಟೊ : ಕೆನಡಾದಲ್ಲಿ ದೇವಾಲಯಗಳನ್ನು ಅಪವಿತ್ರಗೊಳಿಸಿದ ಘಟನೆಯಲ್ಲಿ ಶಾಮೀಲಾದ ಆರೋಪದಲ್ಲಿ ಪೊಲೀಸರು ಒಬ್ಬ ವ್ಯಕ್ತಿಯನ್ನು ಬಂಧಿಸಿರುವುದಾಗಿ ವರದಿಯಾಗಿದೆ.

ಆಗಸ್ಟ್ 12ರಂದು ಸರೆ ನಗರದಲ್ಲಿನ ದೇವಾಲಯದ ಗೋಡೆಯಲ್ಲಿ ಖಾಲಿಸ್ತಾನಿ ಪರ ಮತ್ತು ಭಾರತ-ವಿರೋಧಿ ಘೋಷಣೆ ಬರೆದ ಪ್ರಕರಣದ ಬಳಿಕ ನಡೆಯುತ್ತಿರುವ ಪ್ರಥಮ ಬಂಧನ ಇದಾಗಿದೆ. ಆಗಸ್ಟ್ 12 ಮತ್ತು 14ರಂದು ನಡೆದ ಘಟನೆಗಳಿಗೆ ಸಂಬಂಧಿಸಿ ಓರ್ವ ವ್ಯಕ್ತಿಯನ್ನು ಬಂಧಿಸಲಾಗಿದೆ ಎಂದು ಕೆನಡಾ ಪೊಲೀಸರು ಹೇಳಿದ್ದು ಆತನ ಹೆಸರನ್ನು ಬಹಿರಂಗಪಡಿಸಿಲ್ಲ ಎಂದು ಮೂಲಗಳನ್ನು ಉಲ್ಲೇಖಿಸಿ `ಹಿಂದುಸ್ತಾನ್ ಟೈಮ್ಸ್' ವರದಿ ಮಾಡಿದೆ.