ಉತ್ತರ ಪ್ರದೇಶದ ಗೊಂಡಾದಲ್ಲಿ ಹಳಿ ತಪ್ಪಿದ ಚಂಡೀಗಢ-ದಿಬ್ರುಘರ್‌ ಎಕ್ಸ್‌ಪ್ರೆಸ್‌

ಲಕ್ನೋ: ಉತ್ತರ ಪ್ರದೇಶದ ಗೊಂಡಾ ಮತ್ತು ಝಿಲಾಹಿ ನಡುವೆ ಇರುವ ಪಿಕೌರ ಎಂಬಲ್ಲಿ ಇಂದು ಚಂಡೀಗಢ-ದಿಬ್ರುಘರ್‌ ಎಕ್ಸ್‌ಪ್ರೆಸ್‌ ರೈಲಿನ ಹಲವು ಕೋಚುಗಳು ಹಳಿ ತಪ್ಪಿದ ಘಟನೆ ನಡೆದಿದ್ದು ನಾಲ್ವರು ಮೃತಪಟ್ಟಿದ್ದಾರೆ ಹಾಗೂ ಹಲವರು ಗಾಯಗೊಂಡಿದ್ದಾರೆ.

ರಕ್ಷಣಾ ತಂಡ ಸ್ಥಳದಲ್ಲಿದ್ದು ಪರಿಹಾರ ಕಾರ್ಯಾಚರಣೆ ನಡೆಸುತ್ತಿದೆ. ನಿಖರವಾಗಿ ಎಷ್ಟು ಮಂದಿಗೆ ಗಾಯಗಳಾಗಿವೆ ಎಂದು ತಿಳಿದಿಲ್ಲ. ರೈಲು ಚಂಡೀಗಢದಿಂದ ಅಸ್ಸಾಂನ ದಿಬ್ರೂಘರ್‌ಗೆ ಸಾಗುತ್ತಿತ್ತು.

ರೈಲಿನ ಒಟ್ಟು 12 ಬೋಗಿಗಳ ಪೈಕಿ ಎಸಿ ಕಂಪಾರ್ಟ್‌ಮೆಂಟ್‌ನ ನಾಲ್ಕು ಭೋಗಿಗಳು ಝುಲಾಹಿ ರೈಲು ನಿಲ್ದಾಣಕ್ಕಿಂತ ಕೆಲ ಕಿಲೋಮೀಟರ್‌ ದೂರದಲ್ಲಿ ಹಳಿ ತಪ್ಪಿದೆ.

ರೈಲ್ವೇ ವೈದ್ಯಕೀಯ ವಾಹನ ಸ್ಥಳಕ್ಕೆ ಆಗಮಿಸಿದ್ದು ಈಶಾನ್ಯ ರೈಲ್ವೆ ಸಹಾಯವಾಣಿ ಸಂಖ್ಯೆಗಳನ್ನೂ ಒದಗಿಸಿದೆ.