ಐಸಿಸಿ ಟಿ20 ಬ್ಯಾಟಿಂಗ್ ರ್ಯಾಂಕಿಂಗ್ : 2ನೇ ಸ್ಥಾನ ಕಾಯ್ದುಕೊಂಡ ಸೂರ್ಯಕುಮಾರ್, 6ನೇ ಸ್ಥಾನಕ್ಕೇರಿದ ಜೈಸ್ವಾಲ್
Update: 2024-07-17 16:15 GMT
ಸೂರ್ಯಕುಮಾರ್, ಜೈಸ್ವಾಲ್ | PC : NDTV
ದುಬೈ: ಭಾರತದ ಹೊಡಿಬಡಿ ಬ್ಯಾಟರ್ ಸೂರ್ಯಕುಮಾರ್ ಯಾದವ್ ಬುಧವಾರ ಬಿಡುಗಡೆಯಾದ ಐಸಿಸಿ ಟಿ20 ಬ್ಯಾಟಿಂಗ್ ರ್ಯಾಂಕಿಂಗ್ ನಲ್ಲಿ ಎರಡನೇ ಸ್ಥಾನ ಉಳಿಸಿಕೊಂಡಿದ್ದಾರೆ. ಭಾರತದ ಯುವ ಆರಂಭಿಕ ಆಟಗಾರ ಯಶಸ್ವಿ ಜೈಸ್ವಾಲ್ ಆರನೇ ಸ್ಥಾನಕ್ಕೇರಿದ್ದಾರೆ.
ಝಿಂಬಾಬ್ವೆ ವಿರುದ್ಧ ಭಾರತವು 4-1ರಿಂದ ಟಿ20 ಸರಣಿ ಗೆದ್ದ ನಂತರ ಋತುರಾಜ್ ಗಾಯಕ್ವಾಡ್ ಒಂದು ಸ್ಥಾನ ಕಳೆದುಕೊಂಡು 8ನೇ ಸ್ಥಾನದಲ್ಲಿದ್ದಾರೆ. ಸರಣಿಯಲ್ಲಿ ಒಟ್ಟು 141 ರನ್ ಗಳಿಸಿದ್ದ ಜೈಸ್ವಾಲ್ ನಾಲ್ಕು ಸ್ಥಾನ ಭಡ್ತಿ ಪಡೆದಿದ್ದಾರೆ. ಆಸ್ಟ್ರೇಲಿಯದ ಟ್ರಾವಿಸ್ ಹೆಡ್ ಮೊದಲ ಸ್ಥಾನ ಉಳಿಸಿಕೊಂಡಿದ್ದಾರೆ.
5 ಇನಿಂಗ್ಸ್ ಗಳಲ್ಲಿ 170 ರನ್ ಗಳಿಸಿದ್ದ ಶುಭಮನ್ ಗಿಲ್ 36 ಸ್ಥಾನ ಮೇಲಕ್ಕೇರಿ 37ನೇ ರ್ಯಾಂಕ್ ತಲುಪಿದ್ದಾರೆ.
ಟಿ20 ಬೌಲರ್ ಗಳ ರ್ಯಾಂಕಿಂಗ್ ನ ಟಾಪ್-10ರಲ್ಲಿ ಭಾರತದ ಯಾವೊಬ್ಬ ಬೌಲರ್ ಇಲ್ಲ.
ಟಿ-20 ಆಲ್ರೌಂಡರ್ಗಳ ಪಟ್ಟಿಯಲ್ಲಿ ಭಾರತದ ಹಾರ್ದಿಕ್ ಪಾಂಡ್ಯ ಹಾಗೂ ಅಕ್ಷರ್ ಪಟೇಲ್ ಕ್ರಮವಾಗಿ 6ನೇ ಹಾಗೂ 13ನೇ ಸ್ಥಾನಕ್ಕೆ ಕುಸಿದಿದ್ದಾರೆ. ಶ್ರೀಲಂಕಾದ ಹಸರಂಗ ಮೊದಲ ಸ್ಥಾನ ಉಳಿಸಿಕೊಂಡಿದ್ದಾರೆ.