ಆರ್‌ಸಿಬಿ ಅನ್‌ಬಾಕ್ಸ್ ಸಮಾರಂಭ | ಡಬ್ಲ್ಯುಪಿಎಲ್ ಚಾಂಪಿಯನ್ ಸ್ಮೃತಿ ಮಂಧಾನ ಬಳಗಕ್ಕೆ ಆರ್‌ಸಿಬಿ ಪುರುಷರ ತಂಡದಿಂದ ಗೌರವ ರಕ್ಷೆ
Update: 2024-03-19 17:02 GMT
Photo : X \ @RCBTweets
ಬೆಂಗಳೂರು : ಬೆಂಗಳೂರಿನಲ್ಲಿ ಮಂಗಳವಾರ ನಡೆದ ಆರ್‌ಸಿಬಿ ಅನ್‌ಬಾಕ್ಸ್ ಸಮಾರಂಭದಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಪುರುಷರ ತಂಡ ಮಹಿಳೆಯ ಪ್ರೀಮಿಯರ್ ಲೀಗ್-2024ರ ಚಾಂಪಿಯನ್ ಸ್ಮೃತಿ ಮಂಧಾನ ನೇತೃತ್ವದ ಮಹಿಳೆಯರ ತಂಡಕ್ಕೆ ಗೌರವ ರಕ್ಷೆ ನೀಡಿದೆ.
ಎಫ್‌ಡು ಪ್ಲೆಸಿಸ್, ವಿರಾಟ್ ಕೊಹ್ಲಿ, ರೀಸ್ ಟೋಪ್ಲೆ, ಮುಹಮ್ಮದ್ ಸಿರಾಜ್, ಕ್ಯಾಮರೂನ್ ಗ್ರೀನ್, ಗ್ಲೆನ್ ಮ್ಯಾಕ್ಸ್‌ವೆಲ್, ದಿನೇಶ್ ಕಾರ್ತಿಕ್, ಕರ್ಣ್ ಶರ್ಮಾರನ್ನು ಒಳಗೊಂಡ ಆರ್‌ಸಿಬಿ ಪುರುಷರ ತಂಡವು ಟ್ರೋಫಿಯೊಂದಿಗೆ ನಡೆದುಕೊಂಡು ಬಂದ ಸ್ಮತಿ ಹಾಗೂ ಅವರ ಬಳಗಕ್ಕೆ ಗೌರವ ರಕ್ಷೆ ನೀಡಿತು. ಪುರುಷರ ತಂಡದ ಸ್ಟಾರ್‌ಗಳು ಡಬ್ಲ್ಯುಪಿಎಲ್ ಚಾಂಪಿಯನ್ನರು ಹಾದುಹೋಗುತ್ತಿದ್ದಂತೆ ಚಪ್ಪಾಳೆ ತಟ್ಟಿದರು.
ಗೌರವ ರಕ್ಷೆ ಸ್ವೀಕರಿಸಿದ ನಂತರ ಆರ್‌ಸಿಬಿ ಮಹಿಳಾ ತಂಡವು ಚಿನ್ನಸ್ವಾಮಿ ಸ್ಟೇಡಿಯಮ್‌ಗೆ ಸುತ್ತು ಬಂದು ವಿಜಯೋತ್ಸವ ಆಚರಿಸಿದರು. ಹಾಜರಿದ್ದ ಅಭಿಮಾನಿಗಳಿಂದ ಜಯಘೋಷ ಸ್ವೀಕರಿಸಿದರು.