ಯಾದಗಿರಿ | ಸಮಾಜದ ಅಭಿವೃದ್ಧಿಗೆ ಸಂಘಟಿತ ಹೋರಾಟ ಮುಖ್ಯ : ಸಚಿವ ಸತೀಶ್ ಜಾರಕಿಹೊಳಿ

ಯಾದಗಿರಿ/ ಸೈದಾಪುರ : ಸಮಾಜದಲ್ಲಿ ಇಂದಿಗೂ ಹಿಂದುಳಿದ ವರ್ಗಗಗಳು ಶೈಕ್ಷಣಿಕ, ಆರ್ಥಿಕ, ರಾಜಕೀಯ, ಸಾಮಾಜಿಕವಾಗಿ ಎದುರಿಸುತ್ತಿರುವ ಸಮಸ್ಯೆಗಳ ಪರಿಹಾರಕ್ಕೆ ಸಂಘಟಿತ ಹೋರಾಟ ಮುಖ್ಯ ಎಂದು ಲೋಕೋಪಯೋಗಿ ಸಚಿವ ಸತೀಶ್ ಜಾರಕಿಹೊಳಿ ಅಭಿಪ್ರಾಯಪಟ್ಟರು.

ಪಟ್ಟಣದ ಯಾದಗಿರಿ -ರಾಯಚೂರು ರಾಷ್ಟ್ರೀಯ ಹೆದ್ದಾರಿ 150ರ ಮಾರ್ಗದಲ್ಲಿ ಬರುವ ಕರಿಬೆಟ್ಟ ವೃತ್ತದಲ್ಲಿ ನಿರ್ಮಿಸಿದ ನೂತನ ಭಗವಾನ್ ʼಮಹರ್ಷಿ ವಾಲ್ಮೀಕಿಯ ಪುತ್ಥಳಿಯ ಅನಾವರಣʼ ಸಮಾರಂಭದಲ್ಲಿ ಭಾಗವಹಿಸಿ ಮಾತನಾಡಿದರು.

ವಾಲ್ಮೀಕಿ ಈ ಮಣ್ಣಿನ ಪ್ರಥಮ ಗ್ರಂಥ ಲೇಖಕ. ವಾಲ್ಮೀಕಿ ಆದರ್ಶಗಳು ಹಾಗೂ ಇತಿಹಾಸದಲ್ಲಿ ಹೋರಾಟ ಮಾಡಿದ ಬುದ್ಧ, ಬಸವ, ಅಂಬೇಡ್ಕರ್, ಸಾಹುಮಾಹರಾಜ, ಸಾವಿತ್ರಿಬಾಯಿ ಫುಲೆಯವರಂತಹ ಮಾಹಾನ್ ಪುರುಷರ ಆದರ್ಶಗಳನ್ನು ನಮ್ಮ ಜೀವನದಲ್ಲಿ ಅಳವಡಿಸಿಕೊಳ್ಳಬೇಕು. ಆಗ ಮಾತ್ರ ನಮ್ಮ ಜೀವನದ ಗುರಿಯನ್ನು ಮುಟ್ಟಲು ಸಾದ್ಯವಾಗುತ್ತದೆ ಎಂದರು.

ಆದರ್ಶ ವ್ಯಕ್ತಿಗಳ ಮೂರ್ತಿ ಕೂಡಿಸಿದರೆ ಸಾಲದು, ಸಮಾಜದಲ್ಲಿ ತುಳಿತಕ್ಕೊಳಗಾದ ಸಮುದಾಯವು ನಿತ್ಯ ಮೂರ್ತಿ ನೋಡಿ ಜಾಗೃತರಾಬೇಕು. ಅನ್ಯಾಯವನ್ನು ಎದುರಿಸುವ ಛಲ ಬೆಳಿಸಿಕೊಳ್ಳಬೇಕು. ಆದ್ದರಿಂದ ನಿಮ್ಮ ಮಕ್ಕಳಿಗೆ ಕಡ್ಡಾಯವಾಗಿ ಶಿಕ್ಷಣವನ್ನು ನೀಡಿ. ಮಕ್ಕಳನ್ನು ಆಸ್ತಿಗಳಾನ್ನಾಗಿ ಮಾಡಿ, ಅವರು ಮುಂದೆ ಸಮಾಜದ ಆಸ್ತಿಗಳಾಗುತ್ತಾರೆ. ಸಂವಿಧಾನ ನಮ್ಮೆಲ್ಲರ ರಕ್ಷಣೆ ಮಾಡುತ್ತಿದೆ. ಅಂಬೇಡ್ಕರ್ ಅವರ ಕೊಡುಗೆ ಅಪಾರವಾದುದು. ಅದನ್ನು ಉಳಿಸಿಕೊಂಡು ಹೋಗುವ ಪ್ರಯತ್ನ ಎಲ್ಲಾ ಸಮುದಾಯದವರು ಮಾಡಬೇಕು ಎಂದರು.

ನಕಲಿ ಜಾತಿ ಪ್ರಮಾಣ ಪತ್ರಗಳ ಹಾವಳಿ ತಡೆಯಲು ಸಮಾಜದ ಗುರುಗಳ ನೇತೃತ್ವದಲ್ಲಿ ಸಿಎಂ ಅವರಿಗೆ ಭೇಟಿ ನೀಡಿ ಮನವಿ ಮಾಡಲಾಗಿದೆ. ಇಷ್ಟರಲ್ಲಿಯೇ ಇದಕ್ಕೊಂದು ಸೂಕ್ತ ಕ್ರಮ ಜರುಗಿಸಲಾಗುವದೆಂದು ಲೋಕೋಪಯೋಗಿ ಸಚಿವ ಸತೀಶ್ ಜಾರಕಿಹೋಳಿ ಹೇಳಿದರು.

ಹಿಂದಿನ ಬಸವರಾಜ ಬೊಮ್ಮಾಯಿ ಸರ್ಕಾರ ಮಾಡಿದ ಒಂದು ತಪ್ಪಿನಿಂದಾಗಿ ಈಗ ನಮ್ಮ ವಾಲ್ಮೀಕಿ ಸಮಾಜದ ಜನರು ತೊಂದರೆ ಪಡುತ್ತಿದ್ದಾರೆ. ವಿಶೇಷವಾಗಿ ಉತ್ತರ ಕರ್ನಾಟಕ ಮತ್ತು ಕಲ್ಯಾಣ ಕರ್ನಾಟಕ ಭಾಗದಲ್ಲಿ ಹೆಚ್ಚು ನಕಲಿ ಜಾತಿ ಪ್ರಮಾಣ ಪತ್ರ ನೀಡಲಾಗುತ್ತಿದೆ. ಅದನ್ನು ತಡೆಯಲು ಸಮಾಜದ ನಾವೆಲ್ಲರೂ ಪ್ರಯತ್ನ ಮಾಡುತ್ತಿರುವುದಾಗಿ ಸಚಿವರು ಹೇಳಿದರು.

ಮೂರ್ತಿ ಪ್ರತಿಪ್ಠಾಪಿಸಿದರೇ ಸಾಲದು, ಅವರ ಆರ್ದಶಗಳನ್ನು ಜೀವನದಲ್ಲಿ ಪ್ರತಿಯೊಬ್ಬರು ಪಾಲಿಸಬೇಕು. ಶಿಕ್ಷಣದಿಂದಲೇ ಎಲ್ಲವೂ ಸಾಧ್ಯ. ಕಾರಣ ಸಮಾಜದ ಮಕ್ಕಳಿಗೆ ಉನ್ನತ ಶಿಕ್ಷಣ ಕೊಡಿಸುವ ನಿಟ್ಟಿನಲ್ಲಿ ಪಾಲಕರು ಮುಂದಾಗಬೇಕೆಂದರು.

ಸಾನಿಧ್ಯ ವಹಿಸಿ ಮಾತನಾಡಿದ ವಾಲ್ಮೀಕಿ ಸಮಾಜದ ಗುರುಗಳಾದ ಪ್ರಸನ್ನಾನಂದ ಪುರಿ ಸ್ವಾಮಿಗಳು, ಒಗ್ಗಟ್ಟಿನಲ್ಲಿ ಬಲವಿದೆ. ಸಮಾಜದ ಎಲ್ಲ ಶಿಕ್ಷಣ ಪಡೆಯಬೇಕೆಂದರು.

ಮಾಜಿ ಸಂಸದ ವಿ.ಎಸ್.ಉಗ್ರಪ್ಪ, ಕುಮಾರ ನಾಯಕ್, ಶಾಸಕರಾದ ಶರಣಗೌಡ ಕಂದಕೂರ, ಕರೆಮ್ಮ ನಾಯಕ್ ಮಾತನಾಡಿದರು. ಜಿಲ್ಲಾಧ್ಯಕ್ಷ ಗೌಡಪ್ಪಗೌಡ ಆಲ್ದಾಳ, ಉಕ ಅಧ್ಯಕ್ಷ ಮರೆಪ್ಪ ನಾಯಕ್ ಮದ್ಗಂಪುರ ಮಾತನಾಡಿ ಸಮಾಜದ ಜನರು ಎದುರಿಸುತ್ತಿರುವ ಸಮಸ್ಯೆಗಳ ಬಗ್ಗೆ ವಿವರಿಸಿದರು.

ಅಮರಯ್ಯ ಸ್ವಾಮಿ ಜಾಲಿಬೆಂಚ್ ನಿರೂಪಿಸಿದರು. ಕಾರ್ಯಕ್ರಮ ಬಹು ಅದ್ಧೂರಿಯಿಂದ ವಿವಿಧ ಶ್ರೀಗಳ ಸಾನಿಧ್ಯದಲ್ಲಿ ಮತ್ತು ಅಪಾರ ಜನರ ಸಮ್ಮುಖದಲ್ಲಿ ವೈಭವದಿಂದ ಜರುಗಿತು.

ಕಾರ್ಯಕ್ರಮದಲ್ಲಿ ಗೋಲಪಲ್ಲಿ ವಾಲ್ಮೀಕಿ ಆಶ್ರಮದ ವರದಾನಂದೇಶ್ವರ ಸ್ವಾಮಿ, ಸುರಪುರ ಶಾಸಕ ರಾಜಾವೇಣು ಗೋಪಾಲ ನಾಯಕ, ದೇವದುರ್ಗ ಶಾಸಕಿ ಕರೆಮ್ಮ ನಾಯಕ, ಬಸಣ್ಣಗೌಡ ದದ್ದಲ್, ರಾಜಶೇಖರ್ ನಾಯಕ, ಗೌಡಪ್ಪಗೌಡ ಆಲ್ದಾಳ, ಶ್ರವಣಕುಮಾರ ಡಿ.ನಾಯಕ, ಭೂದಾನಿ, ಗ್ಯಾರಂಟಿ ಯೋಜನೆಗಳ ಜಿಲ್ಲಾಧ್ಯಕ್ಷ ಶ್ರೇಣಿಕ ಕುಮಾರ್ ದೋಕಾ, ಸೈದಾಪುರ ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ ನಿರಂಜನರೆಡ್ಡಿ ಶೆಟ್ಟಿಹಳ್ಳಿ, ಚಂದ್ರಶೇಖರ ವಾರಾದ, ನಗರ ಸಭೆ ಅಧ್ಯಕ್ಷೆ ಲಲಿತಾ ಅನಪೂರ, ಉತ್ತರ ಕರ್ನಾಟಕ ವಾಲ್ಮೀಕಿ ನಾಯಕ ಸಂಘದ ರಾಜ್ಯಾಧ್ಯಕ್ಷ ಮಾರೆಪ್ಪ ನಾಯಕ ಮಗದಂಪುರ, ವಾಲ್ಮೀಕಿ ಸಮುದಾಯದ ವಲಯಾಧ್ಯಕ್ಷ ರವಿಂದ್ರನಾಥ ಮಲ್ಲೋರ್ ಕೂಡ್ಲೂರು, ಪ್ರಧಾನ ಕಾರ್ಯದರ್ಶಿ ಪೋಲಪ್ಪ ಓಬಳಾಪುರ ನೀಲಹಳ್ಳಿ, ಭೀಮರಾಯ ಠಾಣಗುಂದಿ, ಹಣಮೆಗೌಡ ಬೀರನಕಲ್, ಡಾ. ಪ್ರಭು ಹುಲಿನಾಯಕ, ವಿಶ್ವನಾಥ ನೀಲಹಳ್ಳಿ, ಕರವೇ ಜಿಲ್ಲಾಧ್ಯಕ್ಷ ಭೀಮುನಾಯಕ, ಯೋಗೇಶ್ ಕುಮಾರ ದೋಕಾ, ಬಾಬು ನಾಯಕ, ಸಿದ್ಧಲಿಂಪ್ಪ ನಾಯಕ ಬೆಳಗುಂದಿ, ರಘುಪತಿ ಗೌಡಗೇರಾ, ಲಿಂಗಾರೆಡ್ಡಿ ನಾಯಕ, ಚಂದ್ರಶೇಖರ್ ಕರಣಿಗಿ, ಅಂಜಪ್ಪ ನಾಯಕ ಮಲ್ಹಾರ, ರಾಜು ದೊರೆ, ಕುಮಲಯ್ಯ ದೊರೆ ಗೌಡಗೇರಾ, ಹಣಮಂತರಾಯ ಇಂದಿರಾನಗರ, ಲಕ್ಷö್ಮಣ ನಾಯಕ, ರವಿ ಕುಮಾರ ಕಣೇಕಲ್, ಲಕ್ಷö್ಮಣ ಓಬಳಾಪುರ, ಅಮರೇಶ ನಾಯಕ, ಮಲ್ಲೇಶ ನಾಯಕ ನಾಗರೆಡ್ಡಿ, ಮರೆಪ್ಪ, ಯಂಕಟರಾಯ, ಭೀಮರಾಯ ಹೊಸಮನಿ, ಬಸಲಿಂಗಪ್ಪ ನೀಲಹಳ್ಳಿ, ಕುಶಕುಮಾರ ಕುಮಾರ, ಶೇಖಪ್ಪ, ಆಂಜನೇಯ ಮಲ್ಹಾರ ಮೋನಪ್ಪ ಬೆಳಗುಂದಿ, ಬಸವರಾಜ ನಾಯಕ ಹಾಗೂ ಸೈದಾಪುರ ವಲಯದ ವಾಲ್ಮೀಕಿ ಸಮುದಾಯದ ಹಿರಿಯರು, ಮುಖಂಡರು, ಯುವ ಸಮೂಹ, ಮಹಿಳೆಯರು, ಮಕ್ಕಳು, ಪೊಲೀಸ್ ಇಲಾಖೆ ಸೇರಿದಂತೆ ಇತರರಿದ್ದರು.

Full View