ಮಧ್ಯಪ್ರದೇಶ | ರಕ್ಷಿಸಲಾಗಿದ್ದ ಮೂರು ತಿಂಗಳ ಆನೆ ಮರಿ ಮೃತ್ಯು

ಉಮರಿಯ : ರಕ್ಷಿಸಲಾಗಿದ್ದ ಹಿಂಡಿನಿಂದ ಬೇರ್ಪಡೆಯಾಗಿದ್ದ ಆನೆ ಮರಿಯೊಂದು ಮೃತಪಟ್ಟಿರುವ ಘಟನೆ ರವಿವಾರ ಬೆಳಗ್ಗೆ ಮಧ್ಯಪ್ರದೇಶದ ಉಮರಿಯ ಜಿಲ್ಲೆಯ ಬಾಂಧವ್ ಗಢ ಹುಲಿ ಸಂರಕ್ಷಿತಾರಣ್ಯದಲ್ಲಿ ನಡೆದಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಈ ಆನೆಮರಿಯ ಸಾವಿನೊಂದಿಗೆ ಕಳೆದ ತಿಂಗಳಿನಿಂದ ಮೃತಪಟ್ಟಿರುವ ಆನೆಗಳ ಸಂಖ್ಯೆ 11ಕ್ಕೆ ಏರಿಕೆಯಾದಂತಾಗಿದೆ.

ಅಸ್ವಸ್ಥಗೊಂಡು, ಹಿಂಡಿನಿಂದ ಬೇರ್ಪಟ್ಟಿದ್ದ ಆನೆ ಮರಿಯು ಶುಕ್ರವಾರ ಬಾಂಧವ್ ಗಢ ಹುಲಿ ಸಂರಕ್ಷಿತಾರಣ್ಯದಲ್ಲಿ ಪತ್ತೆಯಾಗಿತ್ತು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಅಕ್ಟೋಬರ್ ತಿಂಗಳ ಕೊನೆಯ ಮೂರು ದಿನ 10 ಆನೆಗಳ ಸಾವಿಗೆ ಈ ಸಂರಕ್ಷಿತಾರಣ್ಯ ಸಾಕ್ಷಿಯಾಗಿತ್ತು.