ಮೆಕ್ಸಿಕೋ: ಚಂಡಮಾರುತಕ್ಕೆ ಕನಿಷ್ಟ 27 ಮಂದಿ ಮೃತ್ಯು

ಮೆಕ್ಸಿಕೊ ಸಿಟಿ: ಮೆಕ್ಸಿಕೋದ ಬೀಚ್ ನಗರ ಅಕಪುಲ್ಕೋಗೆ ಗುರುವಾರ ಅಪ್ಪಳಿಸಿದ ಓಟಿಸ್ ಚಂಡಮಾರುತದ ಅಬ್ಬರಕ್ಕೆ ಸಿಲುಕಿ ಕನಿಷ್ಟ 27 ಮಂದಿ ಮೃತಪಟ್ಟಿದ್ದು, 4 ಮಂದಿ ನಾಪತ್ತೆಯಾಗಿದ್ದಾರೆ ಎಂದು ಅಧಿಕಾರಿಗಳನ್ನು ಉಲ್ಲೇಖಿಸಿ ಮಾಧ್ಯಮಗಳು ವರದಿ ಮಾಡಿವೆ.

ಗಂಟೆಗೆ 270 ಕಿ.ಮೀ ವೇಗದ ಗಾಳಿಯೊಂದಿಗೆ ಅಪ್ಪಳಿಸಿದ ಚಂಡಮಾರುತ ವ್ಯಾಪಕ ನಾಶ-ನಷ್ಟಕ್ಕೆ ಕಾರಣವಾಗಿದ್ದು ಹಲವೆಡೆ ರಸ್ತೆ ಸಂಚಾರ ಅಸ್ತವ್ಯಸ್ತಗೊಂಡಿದೆ. ನದಿಗಳು ಉಕ್ಕಿ ಹರಿದು, ಹಲವು ಸೇತುವೆಗಳು ಹಾನಿಗೊಂಡಿದ್ದು, ತಗ್ಗುಪ್ರದೇಶಗಳು ಜಲಾವೃತಗೊಂಡಿವೆ ಎಂದು ವರದಿ ಹೇಳಿದೆ.