ಕಲಬುರಗಿ | ಬೈಕ್‌ಗೆ ಟಿಪ್ಪರ್ ಢಿಕ್ಕಿ : ಮಹಿಳೆ ಮೃತ್ಯು
Update: 2025-02-08 21:16 IST
ಕಲಬುರಗಿ : ಬೈಕ್‌ಗೆ ಟಿಪ್ಪರ್ ಢಿಕ್ಕಿ ಹೊಡೆದ ಪರಿಣಾಮ ಮಹಿಳೆ ಸ್ಥಳದಲ್ಲಿಯೇ ಮೃತಪಟ್ಟ ಘಟನೆ ನಗರದ ಇಎಸ್‌ಐಇ ಆಸ್ಪತ್ರೆ ಎದುರು ಶನಿವಾರ ನಡೆದಿದೆ.
ನಗರದ ಸಿದ್ದೇಶ್ವರ ಕಾಲೋನಿಯ ನಿವಾಸಿ ಅಶ್ವಿನಿ ಸಾಗರ ರುದನೂರ (21) ಮೃತಪಟ್ಟ ಮಹಿಳೆ ಎಂದು ಗುರುತಿಸಲಾಗಿದೆ.
ಅಶ್ವಿನಿ ಅವರು ಪತಿ ಸಾಗರ್‌ ನೊಂದಿಗೆ ಪತ್ಯೇಕ ಬೈಕ್‌ಗಳಲ್ಲಿ ಸಂಬಂಧಿಕರ ಮನೆಯಿಂದ ಮರಳುತ್ತಿರುವ ವೇಳೆ ಹಿಂದಿನಿಂದ ಬಂದ ಟಿಪ್ಪರ್ ಅಶ್ವಿನಿ ಅವರು ಬೈಕ್‌ಗೆ ಢಿಕ್ಕಿ ಹೊಡೆದು ಚಾಲಕ ಪರಾರಿಯಾಗಿದ್ದಾನೆ.
ಸಂಚಾರಿ ಪೊಲೀಸರು ಘಟನಾ ಸ್ಥಳಕ್ಕೆ ಧಾವಿಸಿ ಟಿಪ್ಪರ್ ವಶಕ್ಕೆ ಪಡೆದುಕೊಂಡಿದ್ದಾರೆ.
ಈ ಕುರಿತು ಸಂಚಾರ-2 ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.