ದಕ್ಷಿಣ ಆಫ್ರಿಕಾ ವಿರುದ್ಧದ ಮೊದಲ ಟೆಸ್ಟ್: ಕೆ.ಎಲ್. ರಾಹುಲ್ ಶತಕ; ಭಾರತ 245 ರನ್‌ಗೆ ಆಲ್‌ ಔಟ್‌
Update: 2023-12-27 10:02 GMT
ಕೆ ಎಲ್. ರಾಹುಲ್ (X/BCCI)
ಸೆಂಚೂರಿಯನ್: ದಕ್ಷಿಣ ಆಫ್ರಿಕಾ ವಿರುದ್ಧದ ಮೊದಲ ಟೆಸ್ಟ್ ಪಂದ್ಯದ ಎರಡನೇ ದಿನದ ಮೊದಲ ಇನ್ನಿಂಗ್ಸ್‌ನಲ್ಲಿ ಭಾರತ ತಂಡ 245 ರನ್‌ಗೆ ಆಲ್‌ ಔಟ್‌ ಆಗಿದೆ. ಕೆ ಎಲ್. ರಾಹುಲ್ ಅವರು 101 ರನ್‌ ಗಳಿಸಿ ತಂಡಕ್ಕೆ ಆಸರೆಯಾದರು.
ಒಟ್ಟು 137 ಬಾಲ್‌ಗಳಲ್ಲಿ ರಾಹುಲ್ 101 ರನ್‌ ಗಳಿಸಲು 14 ಬೌಂಡರಿ ಹಾಗೂ ನಾಲ್ಕು ಸಿಕ್ಸರ್‌ ಬಾರಿಸಿದ್ದರು. ನಿನ್ನೆ 70 ರನ್‌ ಗಳಿಸಿ ಅಜೇಯರಾಗಿದ್ದ ರಾಹುಲ್ ಇಂದು 31 ರನ್‌ ಪೇರಿಸಿ ಶತಕ ಸಾಧಿಸಿದರು.
ಇಂದು ಬೆಳಗ್ಗಿನ ಆಟದಲ್ಲಿ ಭಾರತ 8.4 ಓವರ್‌ಗಳಲ್ಲಿ 37 ರನ್‌ ಗಳಿಸಿದೆ. ಮೊದಲ ಇನ್ನಿಂಗ್ಸ್‌ನಲ್ಲಿ ಒಟ್ಟು 67.4 ಓವರ್‌ಗಳನ್ನು ಭಾರತ ತಂಡ ಎದುರಿಸಿದೆ.
ದಕ್ಷಿಣ ಆಫ್ರಿಕಾ ಪರ ಕಗಿಸೊ ರಬಾಡ ಅವರು 59 ರನ್‌ಗೆ 5 ವಿಕೆಟ್ ಪಡೆದು ಮಿಂಚಿದ್ದಾರೆ.
ತಂಡಕ್ಕಾಗಿ ಗೆರಾಲ್ಡ್‌ ಕೋಟ್ಝೀ ಮತ್ತು ನಂದ್ರೆ ಬರ್ಗರ್‌ ಅವರು ತಲಾ ಒಂದು ವಿಕೆಟ್ ಗಳಿಸಿದರು.