ನೀವು ಅರ್ಧ ಶತಕ ಬೇಗ ದಾಟುತ್ತೀರಿ ಎಂದು ಕೊಹ್ಲಿಯನ್ನು ಹೊಗಳಿದ ಸಚಿನ್

ಕೋಲ್ಕತಾ: ಈಡನ್ ಗಾರ್ಡನ್ ಕ್ರಿಕೆಟ್ ಸ್ಟೇಡಿಯಂನಲ್ಲಿ ನಡೆದ ಐಸಿಸಿ ಏಕದಿನ ವಿಶ್ವಕಪ್ ಕ್ರಿಕೆಟ್ 2023 ಟೂರ್ನಿಯಲ್ಲಿ ದಕ್ಷಿಣ ಆಫ್ರಿಕಾ ನಡುವಿನ ಪಂದ್ಯದಲ್ಲಿ ಭಾರತ ಗೆದ್ದು ಬೀಗಿದೆ. ಈ ಪಂದ್ಯದಲ್ಲಿ ಭಾರತದ ತಾರಾ ಬ್ಯಾಟರ್‌ ವಿರಾಟ್‌ ಕೊಹ್ಲಿ ದಾಖಲೆಯ 49 ನೇ ಏಕದಿನ ಶತಕ ಭಾರಿಸಿ ಕಳೆದೆರಡು ಪಂದ್ಯಗಳ ಅಭಿಮಾನಿಗಳ ಕಾಯುವಿಕೆಗೆ ತಿಲಾಂಜಲಿ ಹಾಡಿದರು. ಈ ಬಗ್ಗೆ x ನಲ್ಲಿ ಪ್ರತಿಕ್ರಿಯಿಸಿದ ಮಾಸ್ಟರ್‌ ಬ್ಲಾಸ್ಟರ್‌ ಸಚಿನ್‌ ತೆಂಡುಲ್ಕರ್ ವಿರಾಟ್ ಕೊಹ್ಲಿ, ತಮ್ಮ 50 ನೇ ಶತಕ ಬೇಗ ಪೂರೈಸಬೇಕೆಂದು ಹಾರೈಸಿದರು.

ರವಿವಾರ ದಕ್ಷಿಣ ಆಫ್ರಿಕಾ ವಿರುದ್ದದ ಪಂದ್ಯದಲ್ಲಿ ವಿರಾಟ್ ಕೊಹ್ಲಿ 121 ಎಸೆತಗಲ್ಲಿ10 ಬೌಂಡರಿ ಸಹಿತ 101 ರನ್ ಬಾರಿಸಿ ಏಕದಿನ ಕ್ರಿಕೆಟ್ ಮಾದರಿಯಲ್ಲಿ 49 ಶತಕ ದಾಖಲಿಸುವುದರೊಂದಿಗೆ ಸಚಿನ್ ಅವರ ಹೆಸರಲ್ಲಿದ್ದ ಅತೀ ಹೆಚ್ಚು ಶತಕದ ದಾಖಲೆ ಮುರಿದ್ದರು.

ಈ ಬಗ್ಗೆ ಮೆಚ್ಚುಗೆ ವ್ಯಕ್ತ ಪಡಿಸಿದ ಸಚಿನ್ “ ವಿರಾಟ್ ಚೆನ್ನಾಗಿ ಆಡಿದ್ದಾರೆ. ನನಗೆ 49 ರಿಂದ 50 ವರ್ಷಕ್ಕೆ ಹೋಗಲು ನನಗೆ 365 ದಿನಗಳು ಬೇಕಾಯಿತು. ನೀವು ಮುಂದಿನ ಕೆಲವೇ ದಿನಗಳಲ್ಲಿ 49 ರಿಂದ 50 ಕ್ಕೆ ಹೋಗಿ ನನ್ನ ದಾಖಲೆಯನ್ನು ಮುರಿಯುತ್ತೀರಿ ಎಂದು ನಾನು ಭಾವಿಸುತ್ತೇನೆ. ಅಭಿನಂದನೆಗಳು!!”