ಕೆಲ್ಲಿ ಕ್ರಾಫ್ಟ್ ವಿಶ್ವಸಂಸ್ಥೆಗೆ ನೂತನ ಅಮೆರಿಕ ರಾಯಭಾರಿ
Update: 2019-08-01 16:01 GMT
ವಾಶಿಂಗ್ಟನ್, ಆ. 1: ಕೆನಡಕ್ಕೆ ಅಮೆರಿಕದ ರಾಯಭಾರಿಯಾಗಿರುವ ಕೆಲ್ಲಿ ಕ್ರಾಫ್ಟ್ರನ್ನು ವಿಶ್ವಸಂಸ್ಥೆಗೆ ಅಮೆರಿಕದ ನೂತನ ರಾಯಭಾರಿಯಾಗಿ ಅಮೆರಿಕ ಸೆನೆಟ್ ಬುಧವಾರ ಮಾನ್ಯ ಮಾಡಿದೆ.
ಆದರೆ, ಈ ನೇಮಕವನ್ನು ವಿರೋಧಿಸಿದ ಡೆಮಾಕ್ರಟಿಕ್ ಸಂಸದರು, ಅವರು ಈ ಹುದ್ದೆಗೆ ತೀರಾ ಅನನುಭವಿ ಎಂದು ಬಣ್ಣಿಸಿದರು.
ಬಳಿಕ ಸೆನೆಟ್ ಕ್ರಾಫ್ಟ್ರನ್ನು ವಿಶ್ವಸಂಸ್ಥೆ ರಾಯಭಾರಿಯಾಗಿ 56-34 ಮತಗಳ ಅಂತರದಿಂದ ಅನುಮೋದಿಸಿತು. ಸೆನೆಟ್ ಸದಸ್ಯರು ಪಕ್ಷದ ನಿಲುವಿನ ಆಧಾರದಲ್ಲಿ ಮತ ಚಲಾಯಿಸಿದರು.
ಭಾರತ ಮೂಲದ ನಿಕ್ಕಿ ಹೇಲಿ ಕಳೆದ ವರ್ಷದ ಕೊನೆಯಲ್ಲಿ ವಿಶ್ವಸಂಸ್ಥೆಗೆ ಅಮೆರಿಕದ ರಾಯಭಾರಿ ಹುದ್ದೆಯಿಂದ ಹೊರಬಂದಿದ್ದಾರೆ. ಅಂದಿನಿಂದ ಈ ಹುದ್ದೆ ಖಾಲಿ ಬಿದ್ದಿದೆ.
ಥಾಯ್ಲೆಂಡ್ ರಾಜಧಾನಿ ಬ್ಯಾಂಕಾಕ್ನಲ್ಲಿ ಗುರುವಾರ ಆರಂಭಗೊಂಡ ಆಸಿಯಾನ್ ದೇಶಗಳ ಶೃಂಗ ಸಮ್ಮೇಳನದ ನೇಪಥ್ಯದಲ್ಲಿ ಭಾರತದ ವಿದೇಶಾಂಗ ಸಚಿವ ಎಸ್. ಜೈಶಂಕರ್ ಆತಿಥೇಯ ಥಾಯ್ಲೆಂಡ್ನ ವಿದೇಶ ಸಚಿವ ಡಾನ್ ಪ್ರಮುದ್ವಿನೈ ಜೊತೆ ಮಾತುಕತೆ ನಡೆಸಿದರು.