ಚುನಾವಣಾ ಸಭೆಗಳಲ್ಲಿ ಭಾಗವಹಿಸದಂತೆ ಜನರಿಗೆ ತಾಲಿಬಾನ್ ಎಚ್ಚರಿಕೆ
Update: 2019-08-06 16:09 GMT
ಕಾಬೂಲ್, ಆ. 5: ಚುನಾವಣಾ ಸಭೆಗಳಲ್ಲಿ ಭಾಗವಹಿಸದಂತೆ ಅಫ್ಘಾನಿಸ್ತಾನದ ಜನರಿಗೆ ತಾಲಿಬಾನ್ ಎಚ್ಚರಿಕೆ ನೀಡಿದೆ ಹಾಗೂ ಸೆಪ್ಟಂಬರ್ನಲ್ಲಿ ನಡೆಯಲಿರುವ ಚುನಾವಣೆಗೆ ವಿರುದ್ಧವಾಗಿ ಕೆಲಸ ಮಾಡುವಂತೆ ತನ್ನ ಸದಸ್ಯರಿಗೆ ಕರೆ ನೀಡಿದೆ.
ಅಫ್ಘಾನಿಸ್ತಾನದಲ್ಲಿ ಹಿಂದಿನ ಚುನಾವಣೆಗಳ ಅವಧಿಯಲ್ಲೂ ಭಯೋತ್ಪಾದಕ ಗುಂಪುಗಳು ದಾಳಿ ನಡೆಸಿದ್ದವು. ಈ ಬಾರಿಯ ಚುನಾವಣಾ ಪ್ರಚಾರದಲ್ಲಿಯೂ ಅದು ಭಯಾನಕ ಹಿಂಸೆಯನ್ನು ಛೂಬಿಟ್ಟಿದೆ.
‘‘ಚುನಾವಣೆಯೆಂಬ ನಾಟಕ ಮತ್ತು ಪ್ರಹಸನದ ವಿರುದ್ಧ ಹೋರಾಟಗಾರರು ತಮ್ಮ ಸಂಪೂರ್ಣ ಸಾಮರ್ಥ್ಯಗಳನ್ನು ಬಳಸಿ ಕೆಲಸ ಮಾಡಬೇಕು’’ ಎಂದು ತನ್ನ ಸಂದೇಶದಲ್ಲಿ ತಾಲಿಬಾನ್ ಹೇಳಿದೆ.
ಇದು ದಾಳಿ ನಡೆಸುವಂತೆ ನೀಡಿದ ಸ್ಪಷ್ಟ ಸೂಚನೆಯಾಗಿದೆ