ಇರಾನ್‍ನಲ್ಲಿ ಭೂಕಂಪ | 4 ಮಂದಿ ಮೃತ್ಯು; 120 ಮಂದಿಗೆ ಗಾಯ

ಟೆಹ್ರಾನ್ : ಇರಾನ್‍ನ ಈಶಾನ್ಯ ನಗರ ಕಾಶ್ಮಾರ್‍ನಲ್ಲಿ ಮಂಗಳವಾರ ಸಂಭವಿಸಿದ 4.9 ತೀವ್ರತೆಯ ಭೂಕಂಪನದಲ್ಲಿ ಕನಿಷ್ಠ 4 ಮಂದಿ ಮೃತಪಟ್ಟಿದ್ದು ಇತರ 120 ಮಂದಿ ಗಾಯಗೊಂಡಿರುವುದಾಗಿ ಸರಕಾರಿ ಸ್ವಾಮ್ಯದ ಮಾಧ್ಯಮ ವರದಿ ಮಾಡಿದೆ.

ಮಂಗಳವಾರ ರಾತ್ರಿ ಸಂಭವಿಸಿದ ಭೂಕಂಪದಲ್ಲಿ ನಗರದ ಗ್ರಾಮೀಣ ಮತ್ತು ನಗರ ಪ್ರದೇಶದ ಹಲವು ಕಟ್ಟಡಗಳು ನೆಲಸಮಗೊಂಡಿದ್ದು ಗಂಭೀರ ಗಾಯಗೊಂಡ 35 ಮಂದಿಯನ್ನು ಆಸ್ಪತ್ರೆಗೆ ದಾಖಲಿಸಿರುವುದಾಗಿ ನಗರದ ಗವರ್ನರ್ ಹೇಳಿದ್ದಾರೆ.