ಕಾನೂನು ಸೇವೆ ವಿಕಲಚೇತನರ ಹಕ್ಕು ರಕ್ಷಿಸುವಲ್ಲಿ ಮಹತ್ವದಾಗಿದೆ : ನ್ಯಾ.ಅರುಟಗಿ
Update: 2024-12-04 12:57 GMT
ಕಲಬುರಗಿ : ವಿಕಲಚೇತನರಿಗೆ ಕಾನೂನು ಸೇವೆಗಳು ಅವರ ಹಕ್ಕುಗಳನ್ನು ರಕ್ಷಿಸುವುದರಲ್ಲಿ ಮಹತ್ವ ಪೂರ್ಣವಾಗಿದೆ ಎಂದು ಸ್ಥಳೀಯ ಹಿರಿಯ ಶ್ರೇಣಿ ನ್ಯಾ.ಎಸ್.ಎಂ.ಅರುಟಗಿ ಹೇಳಿದ್ದಾರೆ.
ಆಳಂದ ಪಟ್ಟಣದ ನ್ಯಾಯಾಲಯ ಆವರಣದಲ್ಲಿ ತಾಲ್ಲೂಕು ಕಾನೂನು ಸೇವಾ ಸಮಿತಿ, ನ್ಯಾಯವಾದಿಗಳ ಸಂಘ ಹಾಗೂ ಶಿಶು ಅಭಿವೃದ್ಧಿ ಮತ್ತು ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಇಲಾಖೆಯ ಆಶ್ರಯದಲ್ಲಿ ವಿಕಲಚೇತನ ದಿನಾಚರಣೆ ಸಮಾರಂಭವನ್ನು ಉದ್ಘಾಟಿಸಿ ಅವರು ಮಾತನಾಡಿದರು.
"ಅಂಗವಿಕಲತೆ ಹೊಂದಿದ ಪ್ರಜೆಗಳು ಸಾಮಾಜಿಕ ನ್ಯಾಯವನ್ನು ಅರಿಯುವ ಅವಶ್ಯಕತೆಯು ಇಂದಿನ ದಿನಗಳಲ್ಲಿ ಅತ್ಯಂತ ಮುಖ್ಯವಾಗಿದೆ. ಹೀಗಾಗಿ, ಕಾನೂನು ಸೇವೆಗಳನ್ನು ಜನರಲ್ಲಿ ಜಾಗೃತಿ ತರುವ ಕಾರ್ಯದ ಭಾಗವಾಗಿ ಕಾನೂನು ಸೇವಾ ಸಮಿತಿಗಳು ಹಾಗೂ ಕಾನೂನು ಸೇವಕರ ಹೊಣೆಗಾರಿಕೆಯನ್ನು ನ್ಯಾಯ ವ್ಯವಸ್ಥೆಗೆ ಪೂರಕವಾಗಿ, ನಾವು ಕಾನೂನು ಸೇವೆಗಳ ಮೂಲಕ ಜನರಿಗೆ ನ್ಯಾಯವನ್ನು ತಲುಪಿಸಲು ಮಾರ್ಗದರ್ಶನ ನೀಡಬೇಕು. ಇದು ಪ್ರತಿ ನಾಗರಿಕನ ಕರ್ತವ್ಯವಾಗಿದೆ ಎಂದರು.
ಮಹಿಳಾ, ಮಕ್ಕಳ ಹಾಗೂ ಅಂಗವಿಕಲರ ಕಲ್ಯಾಣಕ್ಕಾಗಿ ಹಲವು ಕಾನೂನು ಸೇವೆಗಳು ನಿಗದಿಯಾಗಿವೆ. ಇಂತಹ ಸೇವೆಗಳ ಕುರಿತು ಜಾಗೃತಿ ಮೂಡಿಸುವುದು ಪ್ರಜಾಪ್ರಭುತ್ವದ ಸಶಕ್ತಿಕರಣಕ್ಕೆ ಸಹಕಾರಿಯಾಗುತ್ತದೆ" ಎಂದರು.
ಕಾನೂನು ಸೇವಾ ಸಮಿತಿಗಳು ಎಲ್ಲಾ ವ್ಯಕ್ತಿಗಳಿಗೆ ಉಚಿತ ಕಾನೂನು ಸೇವೆಗಳು ಹಾಗೂ ನ್ಯಾಯವನ್ನು ಪಡೆಯಲು ಅವಕಾಶ ಕಲ್ಪಿಸುತ್ತವೆ. ಇವುಗಳು ಕಾನೂನು ಮಾರ್ಗದರ್ಶನವನ್ನು ನೀಡಲು ಹಾಗೂ ಪ್ರತಿಯೊಬ್ಬ ನಾಗರಿಕನ ಕಾನೂನು ಹಕ್ಕುಗಳನ್ನು ಪಾಲಿಸಿಕೊಳ್ಳಲು ಅಗತ್ಯವಾದ ಹಂತಗಳನ್ನು ನೀಡುತ್ತವೆ ಎಂದರು.
ವಿಕಲಚೇತನ ದಿನಾಚರಣೆಯು, ಸಾಮಾಜಿಕ ನ್ಯಾಯ ಹಾಗೂ ಸಮಾನತೆಗಾಗಿ ನಾವು ತೆಗೆದುಕೊಳ್ಳುವ ಕ್ರಮಗಳು ಪ್ರಗತಿ ಶೀಲವಾಗಿ ಬಲಪಡಿಸಲು ಸಹಾಯ ಮಾಡುತ್ತದೆ. ಇದು ಕಾನೂನು ಮಾಧ್ಯಮಗಳಲ್ಲಿ ವ್ಯಕ್ತಿತ್ವವಲ್ಲದ, ಪರಿಪೂರ್ಣ ಜಾಗೃತಿ ಮೂಡಿಸುವ ಒಂದು ಘೋಷಣೆಯಾಗಿದೆ ಎಂದರು. ನಾವು ಕಾನೂನು ಸೇವೆಗಳ ಕುರಿತು ಚರ್ಚೆ ಮಾಡುತ್ತಿರುವಾಗ, ಇದು ಕೇವಲ ಅಧಿಕಾರಿಗಳೇ ಅಲ್ಲ, ಎಲ್ಲರ ಶ್ರಮದಿಂದ ಸಾಧನೆಗೆ ಬರಬೇಕಾದ ಹಕ್ಕುಗಳ ಹೆಜ್ಜೆಯಾಗಲಿ.
ಸಿವಿಲ್ ನ್ಯಾಯಾಧೀಶ ಯಲ್ಲಪ್ಪ ಕಲ್ಲಾಪೂರ ಮತ್ತು ಹೆಚ್ಚುವರಿ ಸಿವಿಲ್ ನ್ಯಾಯಾಧೀಶೆ ಸುಮನ ಚಿತ್ತರಗಿ ಸೇರಿ ಇನ್ನಿತರು ಮಾತನಾಡಿದರು.
ಈ ಸಂದರ್ಭದಲ್ಲಿ ನ್ಯಾಯವಾದಿ ಸಂಘದ ಅಧ್ಯಕ್ಷ ಕಮಲಾಕರ್ ವಿ.ರಾಠೋಡ, ಸಿಡಿಪಿಒ ಶ್ರೀಕಾಂತ ಮೇಂಗಜಿ, ಕಾರ್ಮಿಕ ನಿರೀಕ್ಷಕ ರವಿಕುಮಾರ ಬಲ್ಲೂರ ಸೇರಿ ನ್ಯಾಯವಾದಿಗಳು, ಕಕ್ಷಿದಾರರು ಉಪಸ್ಥಿತರಿದ್ದರು.