ಸಿಡ್ನಿ ಮಾಲ್ ನಲ್ಲಿ ಹಲವರಿಗೆ ಚೂರಿ ಇರಿತ; 5 ಮಂದಿ ಮೃತ್ಯು

ಸಿಡ್ನಿ: ಸಿಡ್ನಿಯ ಜನನಿಬಿಡ ಮಾಲ್ ನಲ್ಲಿ ದುಷ್ಕರ್ಮಿಯೋರ್ವ ಹಲವರಿಗೆ ಚೂರಿ ಇರಿದಿದ್ದು, ಘಟನೆಯಲ್ಲಿ 5 ಮಂದಿ ಮೃತಪಟ್ಟಿದ್ದಾರೆ ಎಂದು ವರದಿಯಾಗಿದೆ. ಶನಿವಾರ ಮಧ್ಯಾಹ್ನ ಗ್ರಾಹಕರಿಂದ ಕಿಕ್ಕಿರಿದಿದ್ದ ವೆಸ್ಟ್ ಫೀಲ್ಡ್ ಬೊಂಡಿ ಜಂಕ್ಷನ್ ಮಾಲ್ ಕಾಂಪ್ಲೆಕ್ಸ್ ನಲ್ಲಿ ಈ ಘಟನೆ ನಡೆದಿವೆ.

ಸದ್ಯ ಮಾಲ್ ಗೆ ಬೀಗಮುದ್ರೆ ಹಾಕಲಾಗಿದ್ದು, ಈ ಪ್ರದೇಶದಲ್ಲಿ ಹಾದು ಹೋಗುವುದನ್ನು ತಪ್ಪಿಸಿ ಎಂದು ಪೊಲೀಸರು ಜನರಿಗೆ ಮನವಿ ಮಾಡಿದ್ದಾರೆ.

ಘಟನಾ ಸ್ಥಳಕ್ಕೆ ತೆರಳಿದ ಪೊಲೀಸರು ಓರ್ವ ಶಂಕಿತನನ್ನು ಗುಂಡಿಟ್ಟು ಹತ್ಯೆಗೈದಿದ್ದಾರೆ ಎಂದು ವರದಿಯಾಗಿದೆ.

ಘಟನೆಗೆ ಕಾರಣವೇನು ಎಂಬುದು ತಕ್ಷಣಕ್ಕೆ ತಿಳಿದು ಬಂದಿಲ್ಲ.