IPL ಮೆಗಾ ಹರಾಜು | 18 ಕೋಟಿ ರೂ.ಗೆ ಪಂಜಾಬ್ ಕಿಂಗ್ಸ್‌ ಪಾಲಾದ ಅರ್ಷದೀಪ್‌ ಸಿಂಗ್‌
Update: 2024-11-24 10:41 GMT
Photo : ipltable.in
ಜಿದ್ದಾ (ಸೌದಿ ಅರೇಬಿಯ) : ಸೌದಿ ಅರೇಬಿಯಾದ ಜಿದ್ದಾದಲ್ಲಿ ನಡೆಯುತ್ತಿರುವ ಐಪಿಎಲ್‌ ಮೆಗಾ ಹರಾಜಿನಲ್ಲಿ ಭಾರತದ ಬೌಲರ್‌ ಅರ್ಷದೀಪ್‌ ಸಿಂಗ್‌ ಅವರು 18 ಕೋಟಿ ರೂ.ಗೆ ಪಂಜಾಬ್ ಕಿಂಗ್ಸ್‌ ಪಾಲಾಗಿದ್ದಾರೆ.
ಮೂಲ ಬೆಲೆ 2 ಕೋಟಿಯಿಂದ ಪ್ರಾರಂಭವಾದ ಹರಾಜನ್ನು ಮೊದಲು ಚೆನ್ನೈ ಸೂಪರ್‌ ಕಿಂಗ್ಸ್‌ ಕೂಗಿತು. ಬಳಿಕ ಡೆಲ್ಲಿ ಕ್ಯಾಪಿಟಲ್ಸ್‌ ಹರಾಜಿಗೆ ಪ್ರವೇಶಿಸಿತು. ಎರಡು ತಂಡಗಳ ನಡುವೆ 5 ಕೋಟಿ ರೂ. ವರೆಗೆ ಸ್ಪರ್ಧೆ ಏರ್ಪಟ್ಟಿತು. ಆ ನಂತರ ರಾಜಸ್ಥಾನ ರೋಯಲ್ಸ್‌, ರೋಯಲ್‌ ಚಾಲೆಂಜರ್ಸ್‌ ಬೆಂಗಳೂರು ತಂಡಗಳು ಹರಾಜು ಕೂಗಿದವು. ಆ ನಂತರ 12.75 ಕೋಟಿ ರೂ. ವರೆಗೆ ಹರಾಜು ನಡೆಯಿತು.
ಸನ್‌ ರೈಸರ್ಸ್‌ ಹೈದರಾಬಾದ್ ಪ್ರವೇಶಿಸುತ್ತಿದ್ದಂತೆ 13 ಕೋಟಿ ರೂ. ಮತ್ತೆ ಹರಾಜು ಸ್ಪರ್ಧೆ ಜೋರಾಯಿತು. 15.75 ರೂ. ವರೆಗೆ ಸನ್‌ ರೈಸರ್ಸ್‌ ಅರ್ಷದೀಪ್‌ ಉಳಿಸಿಕೊಳ್ಳಲು ಪ್ರಯತ್ನ ನಡೆಸಿತು. ಆದರೆ ಆರ್‌ ಟಿ ಎಂ ಬಳಸಿ ಪಂಜಾಬ್ ಸೂಪರ್‌ ಕಿಂಗ್ಸ್‌ 18 ಕೋಟಿ ರೂ. ಗೆ ಅರ್ಶದೀಪ್‌ ಸಿಂಗ್‌ ಗೆ ಬಿಡ್‌ ಮಾಡಿ ತಮ್ಮದಾಗಿಸಿಕೊಂಡಿತು.
ಹರಾಜುಗಾರ್ತಿ ಮಲ್ಲಿಕಾ ಸಾಗರ್‌ ಅವರು ಹರಾಜು ನಡೆಸಿಕೊಟ್ಟರು.